Crazy February

Open Now

Now Closed

上次黎到無開，今日黎之前打黎問咗有冇開先😎終於可以再黎食漢堡包😋真係好好食👍🏻朋友就叫公司三文治🥪佢都話好食👍🏻下次會再黎食🥰飲埋杯朱古力飄雪就飽哂😌

朋友介紹 ，襯放假就遠離市區去試下環境清幽舒服 兩人叫左兩個晚餐 有湯 包 沙律菜 主菜 甜品 及飲品我地叫左一份Pork ribs 及 羊架 Pork ribs 夠 Juicy 唔會乾爭爭 配埋陳醋醬汁好好食😋羊架特別出色 香軟juicy ,熟度剛剛好配埋芥末帶出羊肉香味👍🏻👍🏻👍🏻我非常鍾意飲咖啡，依度既咖啡滿足到我夠晒香而宜價錢唔貴 個人覺得性價比高

今日2個人帶狗狗到天空之城late lunch。之前收藏咗呢間餐廳，但嚟到之後先發現原來年幾前已嚟過，只係果次對食物的感覺一般，所以冇乜印象。今次再嚟，食物水準我覺得都幾驚喜！今日點咗一客輕午餐（雞扒意式包配薯條$78）同一客下午茶餐（芝士蘑菇奄列$40），飲品升級咗做一凍一熱的特濃朱古力（跟餐加$16/杯）。雞扒意式包配薯條一嚟到好驚喜，因為件雞扒超大件，個意式包唔細，但一併落去件雞扒突曬出嚟，大滿足。狗狗爸爸話雞扒帶少少脂肪，肉軟稔，好味。一般漢堡都係跟漢堡包，比較大路，而呢個餐係跟意式包，特別之餘，包夠鬆軟，亦有份量。薯條係少啲，不過，佢係薯仔炸出嚟架！有幾條薯條仲連薯皮。薯條炸到外脆內軟。就喺呢個時候，狗狗爸爸話：「下次可以再嚟」~係對呢間餐廳的認可。芝士蘑菇奄列以下午茶嚟講，份量足，女仔食夠飽。蘑菇算多，奄列裡面有洋蔥，洋蔥煮稔咗後軟身又帶甜味，仲有牛油跟多士，以呢個價錢同埋香港物價嚟講，性價比算高。一凍一熱的特濃朱古力同樣係加$16，但凍就抵啲，因為熱的賣相一般，凍果杯攞嚟「打卡」都抵。而且凍果杯都夠濃味，忌廉上仲有朱古力醬，搞勻後幾好飲。至於值唔值得加$16試特飲，我覺得

第2次黎食dinner, 但唔知點解次次都係得小貓3，4隻，今晚仲要得我地一枱，明明野食都有水準又唔貴雞翼即叫即炸，上枱仲要熱辣辣，食落仲好脆好juicy蕃茄茄子，因為今日係十五，所以走左肉丸，個汁好夠味柚子蛋糕好香又唔會太甜，勁好食希望佢地keep住有heart地做落去

屋企又大掃除 所以又要帶屋企嘅貓貓出街雖然我經常睇openrice 但都係無耐前先發現搜尋餐廳嗰度可以揀 動物友善餐廳因為係家貓本來就唔中意出街所以又係揀啲遠離市區 好嘈嘅地方( ´▽｀)所以又黎到天空之城啦！地址上唔係叫天空之城 但實際上只係一塊地圖去分隔星期日 天空之城都泊滿車啦行左入去 侍應都好快行過黎問我地幾位不過講我地有貓 就都係要坐返室外當日都係幾熱嘅一日 香港秋天嘅室外都28,9度室外只得三張枱每一張枱有把風扇吹住但唔係講笑。。 把座地風扇超好風。。坐低又一滴汗都冇出喎。。。坐低 三人一貓 4人枱啱啱好然後Menu就拎出黎啦 係一個咖啡拉花做logo即刻有啲衝動叫杯熱latte( ´▽｀) 但就算把風扇好風我都係坐室外。。有咩可能飲到熱飲啊。。。嗰陣兩點鐘 所以都仲係lunch time Tea 就無緣啦 sosad落單冇耐 餐飲就到啦可能都係啱啱好走左批人 即嗌就即整每個餐除左餐飲 仲有雜菜湯同蒜蓉包檸茶好夠凍 正！ 雜菜湯我覺得係偏酸但都仲係正常人接受到嘅範圍黎嘅( ´▽｀)蒜蓉包少見地係用白方包做底雖然一啲焦黃色燶位都冇 但其實係烘過仲要都幾脆嗰隻( ´▽｀)焦糖咖

元朗天空之城，聞名不如見面，食肆林立，餐廳選擇多。呢間位於停車場最尾，位置唔難搵。呢間Cafe感覺好家庭式，啱帶小朋友過嚟chill😄小朋友好啱食嘅窩夫士多啤梨味配上雲呢拿雪糕加焦糖醬公司三文治手打牛肉漢堡烤雞翼

上年十月黎食輕午餐既芝士牛肉漢堡配薯條$72，宜家加到$80😅加價唔緊，但點解漢堡包入面隻雞蛋都無埋🥺漢堡仍然都係咁好味👍🏻如果有返雞蛋係入面應該會開心啲🥰同埋杯凍朱古力好好味😋不過跟餐就要另加$19😉餐廳出面可以泊車，坐位都幾舒服😌都值得大家黎食👍🏻

當日去到搵餐廳食飯，見餐廳位於該處最側邊，人流較少，坐位亦不逼，坐得舒服。侍應友善有禮貌。叫左一個小食拼盤同4份主菜。小食拼盤全部都好夠熱同脆，夠香口。豬鞍肉質嫩滑，調味適中。比目魚西京燒都唔錯，唔會太重味，魚肉都好滑。牛扒肉質滑，肉味夠濃，但叫咗7成，有點生，應該得5成。羊架味道都唔錯，但都係有點生，較多筋同脂肪。總體嚟講都唔錯，食物份量足夠，環境舒服，侍應有禮，同隔離枱又唔會太接近，有位泊車，會再去。

今日同老公一齊放大假，專登嚟呢度食Lunch，因為見到開飯網嘅食評，話呢度食品質素唔錯，尤其係個All day breakfast，所以就嚟試吓啦⋯老公叫咗個雞扒意大利包我就叫咗個期待咗好耐嘅All day breakfast 🍳 兩個餐都令我哋真係好失望😞首先，值得讚嘅係餐湯，南瓜湯確係幾好味，仲配咗塊好似餅乾咁薄嘅多士😒，所以特別脆，仲以為我果份All day breakfast 嘅多士會好啲⋯⋯點知🙁🙁份All day breakfast😭有：兩塊超薄方包整嘅多士，半隻無乜味蕃茄，兩片只係輕煎嘅肥膏（其實係烟肉），兩隻半生熟太陽蛋，一小篤暖嘅茄汁豆，兩片超級普通嘅漢堡扒，一塊炸到就燶無薯味嘅薯餅（老麥仲好過佢），一口沙律菜一條豬肉腸仔一小篤磨菇同埋一小片薄過紙嘅煙三文魚，真係要好細心先搵到。份量係大，但質素好差，好唔值呢個價，我寧願比多二三十去隔離街果間食😑至於果份大雞扒意大利包，個包硬到好似隔咗幾晚夜，無焗過就淨咁拎出嚟比您食咁，塊雞扒除咗大之外，茶餐廳嘅炸肶仲好食過佢，成碟嘢最好食，應該係薯條。成餐飯，真係物非所值，我諗唔會再有下次

天朗氣清，最好驅車往家附近的大生圍走走。襯無人思語時候，大家除下口罩，呼吸一種熟悉但久違的的新鮮空氣味道，過濾鬱悶心情。走累了便找個地方午膳。大生圍附近全是荒蕪地方，只有蘆葦草，只有紅樹林，全然沒有進膳好地方，自己又不想重回假日元朗繁囂鬧市，便往幾分鐘車程的天空之城吧。天空之城，在偽豪宅Yoho Park旁。這地方我的見解是元朗郊陲八鄉錦田逢吉鄉的食肆集中地，營辦者巧妙地將十來間村屋地下改建餐廳，然後改了一個很浪漫的名字「天空之城」，與旁邊偽豪宅取名「爾巒峻巒」互相襯托，相映生輝。齊來幻想一下：漂亮少女問自已剛酒吧相識的心儀青年才俊，平日晚上多在那兒吃晚飯？他說：「普普通通吧，多數去屋企附近的天空之城食飯！」頓時，少女還以為自己釣到家財萬貫的金龜子。脫開華麗的包裝外殼，天空之城只是一群三層高村屋的地下食肆餐廳群組。進內車位任泊的，沒有秩序可言。不管是否泊上路肩、泊在餐廳門前，只要你敢停泊即可。首次蒞臨，先逛一圈，最後選定了「狂野二月」。貪其寧靜，餐牌西式為主，平均午膳$80左右，連湯及飲品，價格公道。【餐湯及蒜蓉包】略為失色。湯量極淺但誤用廣濶容器，顯得吝嗇。色澤暗淡無光，浮著三片椰菜

平時諗唔到食咩，又唔想入元朗中心人迫人，我地就會去天空之城搵食😋 Crazy February 都算係之前常去嘅餐廳🥰 冇黎一排，價錢好似調高咗，但分量再大份咗🤭🌮香煎大雞扒意式包配薯條 ($78)真係大雞扒！其實雞扒下面仲有塊意式包，只不過被大雞扒完全遮蓋住🤣 雞扒大到係唔可以當夾包拎住食🙊 係要用刀叉先食到😂 又香煎又啖啖肉，真係好滿足💕 另外薯條係可以轉為有機雜菜沙律😎 不過當然配脆脆薯條邪惡啲開心啲😈🥗菠菜忌廉三文魚意粉 ($75)真係好大碟，絕對係二人分量🙈 我每次黎要打包當晚餐食😆 除左意粉多，材料都比得好足！味道都調得合適，淡淡忌廉香，唔會太淡太咸，好有家庭小店風味😋午餐時間仲會包是日餐湯/ 蒜蓉包/ 飲品，咩都齊哂仲要咁大份，真係好抵食👍🏼

同朋友仔係錦田壁畫村打完卡隨即上網搵搵附近有咩好西一搵就比佢既漢堡包吸引既然係附近就梗係試試佢喇 一黎同馬上試返啖先食得出佢既漢堡新鮮個包係明顯有烘過薯條脆身 唔係炸定但點都估唔到個雞包仲正如果有機會的話 實會再黎食個雞包

今日黎到錦田Crazy February 🥰叫咗兩份輕午餐～芝士牛肉漢堡配薯條（足五兩）同凍朱古力😋一送到黎就覺得好正😍男仔應該會岩岩好，但女仔食就比較大份。本人係大食既女仔，但都食唔哂😂真係食到好飽😋佢杯凍朱古力真係好好味🥰本人好鍾意飲👍🏻值得推介大家黎試試😊

閒日駕車來到新界北，諗住周圍搵下食。無意之中上網搵到個地方叫天空之城，幾特別咁，就用google map去喇，不過google都少少帶錯路，好在最後都搵到。餐廳係村屋的地下，泊車可泊餐廳的對面。而入內裝修風格好家庭式，有梳化或長餐枱可坐。午餐meun都好多東西選擇，唔怕無野0岩食。餐湯是蕃茄湯，細細碗，味唔算太濃，都算幾fresh啦。黑松露磨菇意粉，即刻整的，好香好大碟，味道不太咸，黑松露味都還可以，好抵食。All Day Breakfast, 一上枱，嘩好大碟，每樣食物都份量好多, 好豐富，除了德國腸太淋唔得，其餘味道都還可以啦，出面市區食，同價錢但份量一定少一半。飲埋杯餐飲Americano, 閒日chill 一chill 黎呢到真係唔錯。不過原來閒日都坐到full house. 要黎食既記住早d到。

今日honey有時間車左我去錦田高埔村食lunch。呢個位置又多食肆，又方便泊車，有寵物嘅仲可以帶去。當然而家疫情，餐廳唔會方便招呼寵物。我選擇咗 Crazy February，餐廳員工好友善，探熱及提供hand sanitizer 等等。我order咗個 All day breakfast。哇！牛油蒜蓉多士新鮮熱辣，蘑菇湯味道啱啱好。凍檸檬茶，片檸檬好新鮮喎🤩。真嫁唔係誇張😆！跟住里主菜，無論個太陽蛋，煙肉，德國腸，再嚟多兩片多士，全部都係新鮮熱辣，脆卜卜😋😋。我同honey講一定要再嚟幫襯。因為價錢好親民🎉🎉🎉。