聯合興食館

Open Now

Now Closed

今日六點鐘就去到聯合興，直接行入去就有位啦！入面環境都算熱鬧，好似去咗大排檔咁。今次我地五個人，叫咗腰果雞軟骨，蠔仔粥，薑蔥生蠔，鵝片鵝腸拼墨魚，非常豐富。黎打冷最正嘅當然係滷水啦，我最愛就係鵝腸，爽口彈牙，洗得乾淨冇臭味。墨魚都好新鮮，滷水霧遮蓋佢嘅鮮甜味。薑蔥生蠔煲煮得好惹味，生蠔非常JUICY，豆腐都吸收左醬汁的味道，好好味啊！蠔仔粥蠔肉唔算多，味道合格，基本上每次打冷都會叫。但係我就覺得雞軟骨太厚粉，亦炸得唔夠脆，味道一般。