早安越南 (Closed)

真係天氣不似預期，放工先黎落雨，既然都要避雨，於是就走入黃埔美食坊，順便食晚餐🥣。行完一圈美食坊之後，最後睇中呢間「早安越南」晚餐款式夠多，而且環境闊落。晚市有成十幾個套餐揀，都真係揀左好耐先決定食咩！青咖喱豬扒飯 — 賣相好吸引，而且咖喱味香濃，配飯一流；再加上青咖喱汁份量好多，夠食晒成個飯。豬扒好稔身，而且有好多舊，食到我超級飽！越式炒金邊粉 — 泰式炒金邊粉就食得多，越式炒就係一次食。金邊粉嘅麵食方面炒得比較濕身，而且上碟嘅topoings同泰式有啲唔一樣，無左泰式果啲啲脆脆係上面。飲品有驚喜！！！叫左杯桂花香蜜，配搭清新，而且桂花味好清香，上完飲品，個個都話好香，好想試飲。朋友叫嘅珍多冰都幾好飲。 香辣肉崧粉皮生菜包肉汁豐富，唔係炒到好乾身果種，不過如果再辣多少少就會更加惹味。越式炸拼盤有炸蝦餅同扎肉，三個人食每人每樣都食到2-3件㗎。 餐廳環境闊落，每張檯之間都有啲距離，成餐飯食得好舒服，唔會覺得好焗促好擠逼。