Video
Read full review
2018-08-12
1380 views
早幾個月前去過一次將軍澳香港單車館嘅「牧羊少年咖啡館」嘆下午茶，感覺好舒服，試過其窩夫，真喺幾得。有位窩夫控嘅同朋友都好想試，咁就不如順便食餐晚飯啦。當然，唔會再入到將軍澳咁遠啦，就番朋友就揀荃灣分店嘅「牧羊少年漂書館」，目標就喺要試窩夫。餐廳位處荃灣大會堂之內，非常易搵，裝修簡約，雖然地方唔及將軍澳店大，但樓底高，配以柔和燈光，感覺一樣蠻舒服。而呢家「牧羊少年」特別冠名為「漂書館」，絕對有引人注「牧」嘅效果，更唔喺浪得虛名，餐廳四周設置好多書架，擺放了大量書冊，又架起不少枱燈，一派文青氣氛。不過，雖然書多，但都喺隨意擺放，所以，要搵到理想書本，則要尋尋寶，看運氣。除咗俾個空間大家漂書之外，唔喺得硬件做啲樣，軟件方便，亦有大力推動。店家主張「以書易啡」，只要拎兩本指定類別及唔會太過氣嘅書帶嚟俾佢哋，佢哋就會送上一張$25嘅外帶意式咖啡券。相反，能有緣晌書海中搵到你嘅至愛，只要付出$5捐款，就可以將此心頭好帶返屋企，而該捐款定期會作出慈善用途，可謂三贏。餐廳基本上喺採半自助形式，自己搵位，晌櫃枱落咗單，再由店員將食物送上。但到晚市，就提供全套服務，店員會過嚟落單，送餐，以至埋單都有人服務
餐廳位處荃灣大會堂之內，非常易搵，裝修簡約，雖然地方唔及將軍澳店大，但樓底高，配以柔和燈光，感覺一樣蠻舒服。
而呢家「牧羊少年」特別冠名為「漂書館」，絕對有引人注「牧」嘅效果，更唔喺浪得虛名，餐廳四周設置好多書架，擺放了大量書冊，又架起不少枱燈，一派文青氣氛。不過，雖然書多，但都喺隨意擺放，所以，要搵到理想書本，則要尋尋寶，看運氣。
除咗俾個空間大家漂書之外，唔喺得硬件做啲樣，軟件方便，亦有大力推動。店家主張「以書易啡」，只要拎兩本指定類別及唔會太過氣嘅書帶嚟俾佢哋，佢哋就會送上一張$25嘅外帶意式咖啡券。相反，能有緣晌書海中搵到你嘅至愛，只要付出$5捐款，就可以將此心頭好帶返屋企，而該捐款定期會作出慈善用途，可謂三贏。
餐廳基本上喺採半自助形式，自己搵位，晌櫃枱落咗單，再由店員將食物送上。但到晚市，就提供全套服務，店員會過嚟落單，送餐，以至埋單都有人服務，故需俾10%服務費。因為並非第一次到訪，都仲記得大概有咩菜式，包括二人、四人套餐、沙律、全日早餐、主食、薄餅、單點小食、飲品及甜品。本來二人餐就最划算，但甜品只喺芝士餅，又唔可以改窩夫，最終，回歸散點步伐。
羅勒青醬鮮蝦意大利粉 $70原意喺想叫黑松露醬野菌意粉，不過，是夜就無供應，但呢記道羅勒鮮蝦意大利粉我都啱。一身「青BB」就知啲羅勒醬落得無手緊，每口意粉都好有羅勒香。而且，仲混有蘑菇片，口感微爽，食得出喺新鮮而唔喺罐頭貨，此外，灑咗啲松子仁、芝士粉增加多一啲口感同味道，啲大蝦質素亦唔差，幾爽彈且有蝦鮮味；唯挑剔喺啲意粉我就覺得有少許烚過火，未做到好有咬口感。
鮮忌廉白菌煙三文魚意大利粉 $70另一道意粉睇嚟都好足料，意粉面鋪滿鮮蘑菇同煙三文魚，醬汁夠多亦打得香滑，唔會越食越「乾爭爭」，整體味道唔錯，不過，啲煙三文魚就有偏鹹嘅問題。意粉同樣喺有少少偏軟，但未至於過腍唔好少，喺少份咬口感啫，但其實份量真喺多，隻碟中間位確喺頗深。
鮮忌廉白菌煙三文魚意大利粉
$70
29 views
0 likes
0 comments
焦糖拿鐵 $34佢哋啲咖啡都幾有口碑，加上上次都試過，知道質素高，真喺無理由唔揀佢。拉花唔單止夠細緻，而且，圖案對稱，拉花嘅收尾向正杯身嘅餐廳名正中間，所以，賣相一環真喺無可挑剔。小呷一口，咖啡嘅醇香，焦糖嘅香味，永遠都喺出奇咁匹配；沖調嘅手勢恰到好處，奶泡撞落濃縮咖啡度沖出嚟嘅口感好平衡且均勻，每口都喺同樣細膩。
焦糖拿鐵
$34
35 views
0 likes
0 comments
朋友亦喜歡飲咖啡，但就更想試試杯香蕉朱古力，咪睇佢外貌平平無奇，但友人勁讚。佢話本身嘅朱古力已經好濃郁，而且，香蕉味亦意外地咁突出，飲一口已感覺到嗰份澎湃，難得兩者都做到好平衡，無話邊個搶邊個味道；此外，唔知喺咪用咗成隻蕉，質感打到有少少似奶昔咁，飲完極有飽肚感添。
香蕉朱古力
$38
38 views
0 likes
0 comments
窩夫只有兩款口味，一喺就「日落巴黎」（香蕉果肉配朱古力雪糕），一喺就「京都春日」（士多啤梨果肉配綠茶雪糕），由於友人已揀咗杯香蕉朱古力，加上上次就正正試後者，的確好食，故此小弟都唔介意再翻兜。碟窩夫色澤配對比強烈，啲窩夫大大件又烘得好靚仔，外脆內綿，再夾埋啲忌廉、士多啤梨果醬、綠茶雪糕一齊食，酸中帶甜，甜中點甘，多變嘅味道晌口腔徘徊，極有層次。
京都春日
$75
42 views
0 likes
0 comments
「漂書」活動早晌歐洲盛行，近年就晌香港活躍起嚟，我都幾支持呢個活動，有資源共享嘅意義，又起環保不浪費嘅作用。總好過嗰啲掛羊頭，賣狗肉嘅共享單車，唓！基本就喺另類租單車生意。
Post
