海港酒家 (Closed)

將軍澳飲早茶而又好食既茶樓唔算多，海港算係幾大，食物質素又ok既一間！今日見放假就同屋企人黎飲茶。皮蛋瘦肉粥係一如以往既好味。啲皮蛋好溶好香，肉絲唔會話乸埋一舊。加咗胡椒粉吊吊味仲正！$7.8嘅鳳爪排骨飯算係咁！啲鳳爪嘅醬同埋排骨嘅肉汁落左個飯度之後，個飯就變得好吸味。 今朝因為想食豬腳薑特別叫左煲。唔好睇佢個碗細細，入面都有成四舊豬腳，煲得好林好入味！其實佢最好食係個紅棗糕！我每次黎飲茶都會叫。唔會太甜，作為甜品非常健康有益！不過就係因為太好味唔記得左影相。