日式吐司專店 (Closed)

將軍澳中心大部分餐廳都係唔做早餐的，樓下只有一間連鎖茶餐廳同依間日式吐司專門店係有早餐。今日假期想同老公近近地嘆個早餐，又唔想去茶餐廳甘悶就諗住去試下依間日式吐司專門店。依間餐廳坐位不多，大概只有十個，好采去到嘅時候啱啱有兩位差唔多食完所以等左一陣就有位喇！我叫左魚柳早餐，老公叫左三文魚吐司魚柳同薯餅都好脆！ 仲有驚喜就係個麵包！牛油再加蜜糖！真係有驚喜 豆漿要加三蚊，係支裝可以拎走老公既三文魚吐司，青瓜同生菜都好多，但個人來講唔太鍾意食青瓜同生菜所以覺得麻麻地整體黎講都幾好，價錢亦同其他餐廳差唔多所以我哋又可以多一個早餐嘅選擇