Caffe Kenon

Open Now

Now Closed

天后冇咩早餐好食，呢間性價比幾高！之前叫過幾次外賣，食物幾有heart，服務都好好，今日終於有機會試吓堂食。舖面唔大，但都幾舒適。一張長枱對住大窗望向街，感覺開陽，一坐低發現每隔幾個位就有叉電線，好貼心！早餐可選炒蛋，大陽蛋或者反蛋。多士可以加錢轉牛角包或者英式鬆餅。早餐仲跟咖啡，茶或者橙汁，想飲其他咖啡加十蚊就得。整體選餐彈性幾大，總可以配到一個啱自己心水嘅早餐！平時外賣會自己返熱個牛角包，今日堂食終於唔洗自己熱個牛角包都係熱嘅！仲脆脆地！蕃茄有煎過，腸都係煎過同脆嘅，炒蛋係係好多油同食到好滯嗰啲，沙律菜如果可以再多啲就好啦！整體嚟講無論個人同電話要叉電都可以嚟叉一叉👍🏻