民華餐廳 (Closed)

搬左入堅尼地城已經有4個月，食得再多既就係呢間民華，因為佢既早餐真係太正喇~~呢到裝修係新式茶記，雖然D位好密，但都坐得幾舒服亦唔會好似舊式茶記甘UP DUP，好光猛又乾淨食得最多就係呢個蕃茄叉燒通粉蕃茄湯夠哂濃，而且入面仲會有粒粒鮮茄唔係淨係罐頭湯開水甘無HEART叉燒夠軟淋，配埋個湯真係好正跟餐可以揀腸仔，餐肉或者火腿我就多數揀火腿，佢唔會煎得太油麵包可以揀多士或者方包多士係用厚身多士，食落外脆內軟加埋D溶左既牛油，香到不得了真係肥都要食呀最後飲埋杯香滑奶茶真係一個GOOD MORNING呀!!