風彩餐廳

Open Now

Now Closed

呢日一早嚟到佐敦道做嘢，見你食早餐就走咗入去呢間《風彩餐廳》幫襯。早餐共有七款選擇，全部都係$30幾蚊。我同朋友都點咗份鮑魚火腿絲通粉餐 ($34)。鮑魚火腿絲通粉 - 鮑魚火腿味道唔錯，但湯底味道一般，而且通粉口感比較粉同腍身。我配黑松露炒蛋 - 炒蛋都幾香滑，都有啲黑松露味，可惜餐包你凍嘅，如果熱或暖嘅就更加好。朋友揀餐包配煎雙蛋 - 雙蛋煎得幾靚，不過略嫌細隻，同樣餐包亦係凍嘅。熱奶茶／熱咖啡 - 普通茶記貨色。整體感覺，早餐價錢唔算貴，不過味道一般，仲有如果侍應阿姐送餐嘅時候手腳輕返少少，唔好咁粗魯就更加好啦。