荷里活冰室 (利東商場)

Open Now

Now Closed

晨早流流返工又要搵地方食早餐，瞓下醒下咁就入咗呢啲茶餐廳到食。基本上同其他茶餐廳最大分別係個環境，感覺佢啲餐具同用佢都比較靚，難得茶餐廳都有乾淨企理嘅感覺。懷舊沙爹牛肉湯公仔麵 $38餐配搭滑蛋同丹麥奶油多士，平時好少見茶餐廳會搭奶油多士，多數都係牛油，雖然好似烤耐咗少少，不過都係脆嘅，而且冇苦味，配搭甜甜嘅奶油都幾好食。正常炒滑蛋冇咩特別。沙爹牛肉算重味，對我嚟講收貨啦，公仔麵煮得唔錯，唔會煮太耐同煮到散曬，保留彈性。叫左杯凍檸茶要凍飲加三蚊，整體黎講食物質素唔錯，價錢就比一般茶餐廳貴少少，尚可接受。