劉平記麵家 (Closed)

本局長是日公幹前先吃早餐，信步走至北帝廟附近之劉平記，隨即入內幫襯。本局長曾於此店食燒味及雲吞麵，但覺兩者均非常麻麻。是次食早餐，相對來說質素較佳。早餐有多款選擇，包括湯粉、扒、吉列、粥、炒麵等。本局長著小二來一早餐A，火腿通、雙蛋、腸仔、麵包轉多士，凍啡款甜。麵包烘得香脆，蛋煎得頗靚，通粉用忌廉湯開（應該係），味道不俗。飲品則正常水準。總括而言，此餐廳早餐質素正常，價錢公道，屬街坊早餐醫肚之選。