好燒味小菜 (Closed)

這間餐廳因爲名字獨特，所以我一直都想試一試，今日路經此地，在門口看到大大張banner講到「早、午、晚餐$26」，所以我就大膽試一次。我睇到餐牌，有兩個餐係呢個價錢，都還算合理。我選擇了麵餐，因為我其實只想食個快早餐這個便是今次的26蚊餐，我轉了凍飲，所以其實29蚊才算正確。食評：碗米粉真係非常多，我根本食唔曬，但其實碗米粉一點味道都沒有，但個米粉其實係靚米粉，太浪費了。紅腸和肉丁老實說太少了。不過我曾經食過比佢更少的餐廳，所以我都習慣了。服務方面很可愛，好似想令客人覺得大家都好熟一樣，那位姐姐都算主動，但最後佢有個動作，令我對佢扣分了，就是佢問都無問就收走我的米粉。整體來講這間店都算合格。但如果佢可以早餐都有燒味就更好了。