紅樹林餐廳 (Closed)

因為新達入面o既大家樂太多人, 去KFC食, 又嫌佢熱氣, 附近都冇乜o岩食o既食店, 於是一日內光顧o左兩次。早餐, 我揀左個香茅雞翼湯檬, 跟一個餐包同一杯飲品, 加一$20。其實之前o係第2間分店試過佢o的湯粉, 今次同上次一樣, o的粉碎得可憐, 好難夾。本來有胃口都搞到冇晒胃口, 因為你擺唔到落口, 食到個人都炆。而且o的雞翼仲唔熟, 入面紅色既, 大失望。下午茶, 我叫o左個火腿法包沙律, 飲凍奶茶,加一25。o的法包上面鋪滿o左沙律, 味道唔錯。有朋友叫o左杯紫色誘惑, 味道好似提子味瑞士糖; 焗意粉o的汁太多。雪香類飲品味道唔錯, 底下好似有o的磨碎o左o既燕麥, 增加口感, 建議大家一試。總結: Red Forest o的野食, 係一o的好食, 一o的好難食。