君戶鍋貼大王 (Closed)

鍋貼大王終於開張，今日見有時間就過去試下啦。間舖幾深，有唔少枱，朝早九點零去到大把位，坐低揀野食，我地係為左鍋貼而黎，就梗係嗌鍋貼啦，另外嗌份蔥油餅，一人一個粢飯同一杯豆漿。鍋貼$16五隻：熱辣辣，咬我落去仲有啲唔知係肉汁定係油bi出嚟，入口淡淡肉。豆漿$11：正常嘢，夠凍。粢飯$20：啲飯入面包住肉鬆同榨菜，仲有一碌油炸鬼。都幾好味，舊油炸鬼都仲脆，成個飯熱辣辣。蔥油餅$9：我地食到一半，有個店員走埋嚟同我哋講—使唔使取消，個蔥油餅佢話要等。我係度諗等乜野。原來嗰陣時佢地連面團都未搓。咁我哋就梗係話取消㗎啦，點知要等到幾時啊。點知其他嘢食都差唔多完嘅時候，個蔥油餅上碟喎。咩事呀？唔係取消咗緊咩？ ！好亂囉。我哋俾錢嘅時候聽到隔離枱嗌早餐套餐。好奇怪點解我哋張枱冇呢張餐牌嘅...我哋唔知，所以嗌嘅全部都係散嗌囉。