紅磡冰室 (Closed)

難得星期日早起, 因為答應左幫老友搬電視。約左8點半係炮台山地鐵站等, 出左站老友話請我過對面間紅磡冰室醫飽個肚先開工, 我又點會拒絕呢。😙呢間紅磡冰室係炮台山地鐵出口對面馬路, 門面同一般茶餐廳唔同, 比較光亮華麗, 內部裝修有少少工業風。早餐選擇都唔少, 價位正常。早餐改左多士, 多士都幾厚身, 外層幾脆口。蛋同火腿味道正常。沙爹牛肉麵份量都幾多, 個沙爹汁顏色偏黑, 唔辣, 不過冇乜花生味。凍奶茶都幾香滑, 茶味都夠, 不過比較甜, 下次再來我會叫少甜。不需加一, 凍飲加$3。