Video
Read full review
2023-02-12
1124 views
晏起身又想食早餐，鍾意明珠冰室早餐到12點都仲有得叫。其實過咗早餐時段，都有常餐全日供應嘅，午餐唔想食得咁勁就啱晒。楔喺枱同玻璃之間嘅餐牌，望落簡單唔係話好多款式，有啲係頹飯feel，但唔同嘅配搭都足夠俾你選擇，另外仲有每日更新嘅午餐牌。簡約舊式冰室裝修，環境乾淨企理，座位唔多，好多街坊都經常幫襯，平日都要等一陣位，假日直頭好多人排隊，所以我通常平日先去食。#港式早餐 $38叫咗C港式早餐，有唔同配搭可以選擇，沙嗲牛肉大塊，沙嗲汁濃郁，份量唔少，個麵係用福麵，麵質煮得剛好，湯底夠多。炒蛋炒得好滑，就咁望都見到有蛋汁，火腿有煎過，配咗迷你菠蘿包。#西式早餐 $45另外叫咗D西式早餐，即煎豬扒熱辣辣，醃得入味唔乾身，豬扒邊位同骨位都煎得幾焦香，餐肉煙肉煎得香，茄汁豆我本來就一般，但係佢個茄汁豆有啲唔同，可能佢係有煮過，其他地方嘅茄汁豆係凍嘅。有牛油多士同炸薯餅揀，梗係揀炸薯餅啦。同埋鍾意佢個凍飲夠大杯，舊時啲冰室通常用透明細膠杯，有啲唔夠飲。總括嚟講係用心製作，有heart去煮嘅，食客一定feel到。#明珠冰室地址：粉嶺聯和墟聯安街27號地下
楔喺枱同玻璃之間嘅餐牌，望落簡單唔係話好多款式，有啲係頹飯feel，但唔同嘅配搭都足夠俾你選擇，另外仲有每日更新嘅午餐牌。簡約舊式冰室裝修，環境乾淨企理，座位唔多，好多街坊都經常幫襯，平日都要等一陣位，假日直頭好多人排隊，所以我通常平日先去食。
C港式早餐
22 views
0 likes
0 comments
#港式早餐 $38叫咗C港式早餐，有唔同配搭可以選擇，沙嗲牛肉大塊，沙嗲汁濃郁，份量唔少，個麵係用福麵，麵質煮得剛好，湯底夠多。炒蛋炒得好滑，就咁望都見到有蛋汁，火腿有煎過，配咗迷你菠蘿包。
D西式早餐
43 views
1 likes
0 comments
另外叫咗D西式早餐，即煎豬扒熱辣辣，醃得入味唔乾身，豬扒邊位同骨位都煎得幾焦香，餐肉煙肉煎得香，茄汁豆我本來就一般，但係佢個茄汁豆有啲唔同，可能佢係有煮過，其他地方嘅茄汁豆係凍嘅。有牛油多士同炸薯餅揀，梗係揀炸薯餅啦。同埋鍾意佢個凍飲夠大杯，舊時啲冰室通常用透明細膠杯，有啲唔夠飲。總括嚟講係用心製作，有heart去煮嘅，食客一定feel到。
#明珠冰室地址：粉嶺聯和墟聯安街27號地下
Post
