翠林茶餐廳 (Closed)

餓餓地搵早餐食，見時間唔早，就叫左蛋牛治，熱檸水。雙拼三文治32蚊，唔算貴。上菜時間5分鐘內，快手。檸水四片檸檬，都幾大方。打開三文治，煎蛋大過面包，無偷工減料。食落口啖啖都係蛋牛，好滿足。不過可能煮嘅時候個爐太熱，蛋同同咸牛肉溝匀之前就熟晒，令到蛋，牛分佈唔平均。咸牛肉juicy, 少少咸調到味，味道岩岩好，不過覆蓋晒蛋嘅味道，要齋食蛋先食到蛋味。麵包就乾左啲，同牛肉食就無問題，淨係同蛋食就差左少少。