井茶

Open Now

Now Closed

朝頭早8:40到井茶食早餐A餐$36要咗沙茶牛肉意粉、腸仔炒蛋、原本有牛油方包半件，加$3改為要香脆奶油豬半件，飲熱奶茶沙茶牛肉意粉沙茶味香濃，牛肉肉質靚，意粉份量有多以牛肉質素來講，近排我喺呢度食過三間餐廳，一間就係鮮牛肉，一間就係沙嗲牛肉，兩間都唔好食，今餐嘅沙茶牛肉最出色。炒蛋味道都OK，不過唔係好滑個款。腸仔個心中間凍㗎加咗$3嘅香脆奶油豬第一啖邊位就脆，跟住咬得好攰，係屬於煙硬嗰款麵包。熱奶茶第一啖覺得好飲及香滑，跟住個口就會感到好鞋，都係有少少鞋口鞋脷。