華康餐廳 (Closed)

因為要到合和辦點事，順度先嚟呢度食過早餐補充體力先。已經過咗返工時間，所以店入面都唔多客人。感覺真係好似翠華咁，有魚湯米線供應，以前食過都覺得唔錯。點咗早餐A，有牛油方包、煎雙蛋、鮑片腸仔通粉及熱啡。牛油方包夠軟熟，唔似隔夜貨色，牛油都夠多；煎雙蛋蛋黃部分不熟，呈現液體狀，合乎本人口味，賣相又靚；通粉湯底幾好唔係一般味精湯底，鮑片又好味，熱啡味道夠濃又香滑，都唔錯。其實一心想嚟食奶油豬，不過唔知係咪換咗餐牌，見唔到有得供應。