Video
Read full review
2021-07-07
147 views
呢間餐廳嘅景可以話無敵, 180度嘅高層全維港海景盡在眼簾。望著窗外嘅景色,大大嘅鹹蛋黃太陽天慢慢落山,船隻慢慢航行,真係好治癒。 大大既玻璃令整個餐廳都好光猛烈,感覺特別舒服,而且桌子空間感夠曬,唔怕無私隱!入夜既景色一樣迷人呀!幻彩荔枝養生茶話就話係中菜館，但始終都係四川菜，所以今次唔只係飲熱茶，我哋仲叫咗呢杯凍嘅茶飲，可以解解辣。一上枱就非常之有驚喜呀，真係好似窗外面嘅風景一樣，幻彩變香江：由黃昏嘅夕陽到夜晚五光十色嘅燈飾。蝶豆花加埋荔枝同檸檬，慢慢咁樣漸變色，成杯嘢飲真係好靚！而且底仲有一啲蘆薈粒，飲落淡淡地又好清新。涼拌麻醬生菜唔好睇呢一碟生菜平平無奇咁，但其實主角係嗰主角，我會認為係個個濃郁到非常不得了嘅芝麻醬！見其色都知其濃，估唔到同新鮮爽脆嘅生菜都可以咁樣配搭，非常欣賞，幾啖就食晒！酸辣魚皮呢一碟魚皮，如果我唔講比外國人知係魚皮，佢哋都一定鍾意食！因為爽脆無比，食落好似啫喱，爽口彈牙，而且酸酸辣辣，特別醒胃。又係一碟功夫菜，收集左嘅魚皮，要洗淨，而且將佢完全冷凍，再撈醬汁，吸收晒風味！麻辣小龍蝦呢一道菜係中國大陸地方食宵夜嘅熱門之選擇,好高興竟然喺香港都有餐廳可以見呢道
呢間餐廳嘅景可以話無敵, 180度嘅高層全維港海景盡在眼簾。望著窗外嘅景色,大大嘅鹹蛋黃太陽天慢慢落山,船隻慢慢航行,真係好治癒。 大大既玻璃令整個餐廳都好光猛烈,感覺特別舒服,而且桌子空間感夠曬,唔怕無私隱!
入夜既景色一樣迷人呀!
幻彩荔枝養生茶話就話係中菜館，但始終都係四川菜，所以今次唔只係飲熱茶，我哋仲叫咗呢杯凍嘅茶飲，可以解解辣。一上枱就非常之有驚喜呀，真係好似窗外面嘅風景一樣，幻彩變香江：由黃昏嘅夕陽到夜晚五光十色嘅燈飾。
蝶豆花加埋荔枝同檸檬，慢慢咁樣漸變色，成杯嘢飲真係好靚！
而且底仲有一啲蘆薈粒，飲落淡淡地又好清新。
涼拌麻醬生菜唔好睇呢一碟生菜平平無奇咁，但其實主角係嗰主角，我會認為係個個濃郁到非常不得了嘅芝麻醬！見其色都知其濃，估唔到同新鮮爽脆嘅生菜都可以咁樣配搭，非常欣賞，幾啖就食晒！
酸辣魚皮呢一碟魚皮，如果我唔講比外國人知係魚皮，佢哋都一定鍾意食！
因為爽脆無比，食落好似啫喱，爽口彈牙，而且酸酸辣辣，特別醒胃。
又係一碟功夫菜，收集左嘅魚皮，要洗淨，而且將佢完全冷凍，再撈醬汁，吸收晒風味！
麻辣小龍蝦呢一道菜係中國大陸地方食宵夜嘅熱門之選擇,好高興竟然喺香港都有餐廳可以見呢道菜。
餐廳提供左膠手套俾你拎住小龍蝦食,所以食得好方便,唔會整到成隻手都係。
麻辣味扑鼻而來,愈食愈過癮!而且小龍蝦都好好肉啵,都係大滿足!
酸菜鱸魚呢度嘅酸菜魚比起坊間嘅有啲唔同,你見到佢個湯係鮮白色,因為真係用大量鮮魚熬製而成嘅湯頭,所以食落有魚味,唔會比辣味蓋過。而且鍋入邊放有寬粉條、秀珍菇、香菜等,所以都幾飽肚架!有齊正宗酸菜魚不可缺少既香味。鱸魚片連魚皮，食落好滑,又保留魚肉既紋，唔會溶溶爛爛咁。
炒鮮萵筍
師傅將萵筍炒得火候剛剛好,食得出有鑊氣之餘,但係仍然可以保留到萵筍嘅爽脆。
香鍋牛肉牛肉夠晒嫩又軟腍，而且辣味麻味十足,連配菜都好好味,餐廳放左洋蔥在鍋底,有微火燒著,等配料同牛肉既油粉都俾洋蔥吸收曬!
所以成鍋入面既蓮藕、露荀同香菜反而更出色。
紅糖糍粑呢個係四川出名嘅甜品,所以佢嘅糍粑係專誠喺四川入貨。師傅可以做到外脆內軟,而且入邊嘅糯米絕不痴牙。
熱辣辣新鮮炸起再淋上紅糖,掛在喺上邊,入口軟糯、甜蜜。佢係一個完美嘅中式甜品!
呢間四川菜餐廳擁有無敵嘅海景、又近TIME SQUARE。而且,店員服務殷勤,樂意解釋每一道菜嘅特色之處。原來師傅曾經喺三希樓做過,食落嘅味道係正宗嘅四川人菜式,真係值得一試!!
Post
