Youniqueed (Closed)

呢日同friend行完The one想搵間cafe醫下肚Chill下，Google map見呢間近近地，於是行過黎睇下。門口個牌幾有幽默感，睇真d完來係12點至兩點外賣自取咖啡有7折，怪不得不斷都有客黎外賣自取咖啡。裝修以黑白為主，光線充足，感覺年輕活潑又型格。Menu貼係門口，睇岩食咩先入去，吾洗估估下。餐廳不大，可容納十餘人，不過到處都有打卡位，例如：內有惡廚 。呢杯係Valrhona + Godiva Black Chocolate用呢兩款朱古力粉沖，吾洗講都知可可味實夠濃，仲要有埋個咁細緻既拉花，好睇又好飲。三重蕃茄雞胸肉拌螺絲粉醬汁有自然既蕃茄香味，吾似一般西餐廳既意粉醬咁杰身。另外，有不少蕃茄雞肉同青瓜絲，食落感覺清新，有家既感覺。呢餐感覺都幾健康，對於我呢d 168減磅人士黎講，都完全無罪惡感，起碼食完果日無增磅，仲輕左少少添 。環境優閒舒適，有少少復古味。到處都有意思既banner，好有小店既特色。今次無叫到咖啡，同行朋友大讚咖啡有特色，似係自創咖啡，出面應該飲吾到。等我搵日下次行過外賣自取杯咖啡返公司忙裡偷閒下 。