Youniqueed (Closed)

.📍Youniqueed💛.❣️All day breakfast ❣️Squid ink spaghetti with pan-fried scallops ❣️Godiva Black Chocolate ❣️Iced mocha

以前熱鬧多人既加連威老道，宜家真係變得冷冷清清，吉舖到處可見，昔日既光景不再，咁冷清既畫面入面竟然卑我見到令我雙眼發光既東西，就係咖啡店🤭店舖唔大，只得3張2人枱，以黑白色為主調，整體既裝修簡約得黎帶點型格Winnie the espresso我見到有sparkling lemon tea, espresso & dried lemon呢個配搭好吸引喎，所以叫黎試下，點知黎到佢攞住罐維他有氣檸檬茶，我個心即刻沈左一沈😑，成杯就係維他檸檬茶味，好L甜，espresso味都卑維他檸檬茶既假澀味蓋過😵‍💫，如果杯lemon tea自己沖會有誠意同易控制個味道好多囉抹茶芝士凍餅好大件既抹茶芝士凍餅，抹茶味都幾出，芝士味唔算好重，仲有d紅豆伴碟，不過不失環境都幾寧靜，但杯creative咖啡真係好失望，罐維他檸檬茶本身都已經加左勁多野，個味仲搶過espresso，明白想加入本地元素但都唔可以太勉強，$60飲左罐好L甜既維他檸檬茶真係伏到一個點😖😖

🔥Tomato mushroom chicken risotto $85(番茄 洋蔥 白蘑菇 雞肉 巴馬臣芝士 意大利飯）蕃茄意大利飯就比較少食 通常都係食白汁香濃嘅蕃茄汁配埋意大利飯幾入味 雖然雞肉份量唔多 但係幾嫩滑 返嘅份量都好大碗好飽肚值得讚嘅係意大利飯有咬口得來又熟透上碟嗰陣時仲要出晒煙啱晒冬天食 食完暖笠笠🔥Creamio chocolate $60 ( Valrhoha Celaya ,milk , choco nibs) 好濃好rich既凍朱古力 本身以為凍飲會沖淡朱古力嘅味但係原來餐廳為咗保持濃郁嘅朱古力凍飲係會加多啲朱古力可可粉🤩真係好貼心✨餐廳雖然座位唔多 但係咖啡師好親民😺會堅持問咗每一位顧客嘅喜好或者幫佢哋介紹每一種咖啡嘅特色👐🏻可以睇得出呢間咖啡廳好注重咖啡嘅質素😇🫶🏻

The one 附近果條街係cotton on 既對面有間黑白色裝修飲啡既café weekday晏晝兩點後黎都要排隊 餐廳入面得幾張枱 如果黎食野既話可能要預早小小黎排隊 不過平日都幾full幾多人專登黎買咖啡takeaway 今次黎試左個all day breakfast 一黎到比隻碟嚇親 豐富到呢 隻碟大過我個頭 as usual all day有既兩條腸兩個蕃茄兩個漢堡扒煙肉 勁多粟米 炒蛋同埋包加幾粒蕃茄仔 係好豐富十分推介既all day食曬係真係會飽到嘔cool summer 係夏天特飲 如果唔想飲啡都有好多選擇既 其實本身想試朱古力既 但係creamio chocolate店員話冇做lu 所以先試左summer special 成杯野都好igable 味道都好fresh就係菊花味既梳打

每次出街諗食咩真係好辛苦 今日朋友請食飯 佢話事 唔洗我諗 佢就帶左我尼 估唔到平日差不多三點都要等位! 不過都係等左十五分鐘到 小店位置唔大 大約六張檯 環境幾適合傾計 一坐底先叫左杯朱古力 因為佢竟然有唔係用朱古力粉沖ge 朱古力 仲要係valrhona+godiva black chocolate 所以比平時出面飲個啲更濃 朱古力味再出啲 本身想飲creamio chocolate 可惜佢話無做lu 不過飲到真 熱朱古力已經好開心 拉其實黎係食lunch 點左Tomato mushroom chicken risotto 雖然賣相唔係驚為天人 但係係好食架 每一粒飯都係有汁同埋飯既口感好好 唔淋 雞份量唔少 撈埋碟上面既芝士好正~ 食完好飽 已經無位食甜品唯有下次

💛#黃店小店門面比較普通，所以可能好容易經過唔會留意到，店舖入邊空間都比較細，剩係得大約10個位，但環境都舒服播住廣東歌，而且食物都算多選擇，尖沙咀Cafe黎講價錢經濟，而且飽肚，但星期日晚上都只有我這一枱。👓Homemade Bagel-牛油果炒蛋沙律菜 $58Homemade Bagel外脆口感夠煙韌，搽咗少少牛油，炒蛋正正常常唔夠滑，牛油果夠熟，沙律菜冇汁比較乾，剩係得bagel比較好食。評分：7/10👓三重蕃茄雞胸肉拌螺絲粉 $55食落好清新，因為有青瓜絲同埋蕃茄醬，唔係用現成係有蕃茄蓉，雞胸肉口感正常，有部份偏乾，不過整體冇乜特別，只係價錢經濟夠飽肚。評分：7/10👓 Hojicha latte $44拉花有心機幾靚，其實見到有好多焙茶醬足料，可惜味道爭少少🤏🏻唔夠香焙茶味，比較飲到奶味。評分：7/10

我bookmark 左呢間餐廳好耐，今日終於有機會試到，因為今朝咁啱過嚟尖沙咀呢度附近做嘢。企喺門口，已經俾佢嘅型格裝修吸引咗，入邊地方雖然唔係好大，但每台客嘅座位都唔會放得太近，所以錯落都絕對唔會覺得擠迫。我揀咗坐喺吧枱，可以望住個型仔咖啡師沖咖啡。我叫咗一客Tomato Mushroom Chicken Risotto，同埋一杯ten minutes 咖啡。嗰個意大利飯用料豐富，蕃茄味濃郁，啲飯粒好有口感，唔會太淋，亦唔會太硬，煮得恰到好處。另外，嗰杯精品咖啡，我都係第一次飲，苦中帶酸，酸中帶甜，非常特別，如果對精品咖啡有興趣嘅朋友可以一試。另外，呢間餐廳原來會做咖啡豆團購，如果大家對咖啡有研究的話，可以過嚟同呢度同咖啡師一齊研究研究吓。香港人梗係支持香港人啦，我諗我好快會再黎試其他菜式同飲品。

呢日同friend行完The one想搵間cafe醫下肚Chill下，Google map見呢間近近地，於是行過黎睇下。門口個牌幾有幽默感，睇真d完來係12點至兩點外賣自取咖啡有7折，怪不得不斷都有客黎外賣自取咖啡。裝修以黑白為主，光線充足，感覺年輕活潑又型格。Menu貼係門口，睇岩食咩先入去，吾洗估估下。餐廳不大，可容納十餘人，不過到處都有打卡位，例如：內有惡廚 。呢杯係Valrhona + Godiva Black Chocolate用呢兩款朱古力粉沖，吾洗講都知可可味實夠濃，仲要有埋個咁細緻既拉花，好睇又好飲。三重蕃茄雞胸肉拌螺絲粉醬汁有自然既蕃茄香味，吾似一般西餐廳既意粉醬咁杰身。另外，有不少蕃茄雞肉同青瓜絲，食落感覺清新，有家既感覺。呢餐感覺都幾健康，對於我呢d 168減磅人士黎講，都完全無罪惡感，起碼食完果日無增磅，仲輕左少少添 。環境優閒舒適，有少少復古味。到處都有意思既banner，好有小店既特色。今次無叫到咖啡，同行朋友大讚咖啡有特色，似係自創咖啡，出面應該飲吾到。等我搵日下次行過外賣自取杯咖啡返公司忙裡偷閒下 。

經過接近三年既疫情，又禁堂食又限聚又疫苗通行證，尖沙咀金馬倫道好多店舖都唔同晒。呢間cafe以黑白作主調，裝修簡單得黎亦有型格。店內座住唔多，我地坐喺bar 枱位，可以睇住自己嗌既野飲誔生過程，好治癒。除左咖啡外，呢度仲有cocktail 同自創飲品既選擇。我叫左To Beer Or Not Beer, 混合左咖啡、茶同梳打水，撞出一杯有層泡既飲品。望落似黑啤，做唔到口感都好驚喜，咖啡既微苦加埋啲泡，飲落真係有啲似啤酒。野食選擇雖然唔多，以輕食同手工bagel 為主。我叫左個漢堡扒bagel. 包面烘得好脆，包裡依然keep 到bagel 應有既紮實嚼勁，而且好香麥味，餡料就好撲實唔花巧，漢堡扒唔會過鹹，突顯返個bagel 先係主角。味道比起坊間bagel/ 麵包專門店一啲都唔輸蝕。比起打卡cafe, 我更鐿意呢種將專注度放喺食材原料、食品研究、製作出品既小店，呢間真係值得支持一下。

做嘢做到頭都實晒，午餐決定唔約朋友、唔食外賣，放空一下🙏🏻，我自己一個去咗幫襯位於加連威老道嘅「Youniqueed」。呢度裝修型格，🖤主色調為黑白色，餐枱座位唔多，高峰時間好大機會要等位。我一丁友就坐咗喺吧枱，可以睇咖啡師拉花；另外仲見到廚房門口塊布寫住「內有惡廚」，哈哈。小店主打各式咖啡☕️同飲料，但同時亦提供唔少食物，例如意粉、沙律、全日早餐、貝果同甜品等。以一間Coffee Shop而言，算好多㗎啦。Traditional Spaghetti Carbonara($80)，🍝估唔到呢度嘅卡邦尼意粉口味幾正宗，佢堅係用上蛋黄汁🍳，而唔係普通忌廉白汁，再加埋煙肉🥓、芝士碎🧀、洋蔥同黑椒等，惹味得嚟又唔膩。意粉質感彈牙富嚼勁，又掛汁。Green Tea Latte($44)，我唔好咖啡，所以嗌咗抹茶拿鐵🍵。凍Latte大大杯，店員提醒攪勻先好飲。抹茶味道香醇，同奶嘅比例啱啱好，無多餘嘅甜味。總括嚟講，喺尖沙咀區無乜呢類型精品咖啡店，如果想歇下腳、食啲嘢，不妨可以考慮呢度😉。最後，小店係一間支持香港人嘅店💛。

近排工作壓力好大連續幾晚都瞓得唔好一個人喺尖沙咀周圍逛，見到呢間youniqueed HongKonger cafe 幾chill 幾relaxing 咁餐廳採用黑白設計，好modern 好有時尙感！岩哂後生仔女黎chill 一chill! 一開門入去，店員好有禮貌問我想食乜，令我覺得好舒服我果陣係lunch 12:30入去，好彩唔洗點等位！ lunch menu 都有好多選擇，有main dish 有salad 亦有bagel! 我都幾大食嫁我叫咗一個 chicken risotto 同一杯 cool summer! （下次tea time 黎先試bagel and dessert!!) 我覺得自己無叫錯食物，野食同野飲賣相都令我wow 一聲！ 唔知你地有留意！risotto係有一個月的車厘茄整既紅心心喺碟邊，意大利飯就好靚咁擺喺碟中間Cool summer 係有用到tangerine 同菊花原素，真係飲到呢兩款配料的味題，好新鮮好特別亦好開胃，一上菜時亦見到有啲好靚既菊花花瓣好靚咁喺杯面，賣相一流令我胃口大增Chicken risotto 即叫即煮新鮮熱辣，雞肉份量適中，夠飽肚唔會

呢個cafe好近地鐵站，行5分鐘到10分鐘就到，Cafe嘅環境都好舒服好靚好優雅。佢仲有好多唔同嘅種類咖啡選擇，都非常特別，適合鍾意飲咖啡嘅。仲有雞尾酒，夏天嘅特飲，非常多選擇，價錢都唔貴佢仲有輕食可供選擇，適合食量少嘅人都可以去食。佢有全日早餐，沙律，意粉，可供選擇。價錢都唔係好貴。喺尖沙咀呢個地方，呢個價錢相當抵食。佢仲有好出名嘅begal食，選擇都好多種類，都非常吸引。價錢都好抵食。夏日特飲，非常好好飲，好桂菇花嘅香氣，清淡清幽，夏天飲用非常適合。非常推介。佢仲有一對菊花係個飲品入邊。我叫咗一個全日早餐，有漢堡扒，香腸，蕃茄，食得出係非常新鮮，味道都好好食。一個好豐富嘅早餐。

三點幾，由潻咸道走入加連威老道，十室九空，走入去叫咗杯cappuccino, 杯啡味唔係好濃，下午用來放鬆吓啱啱好，啲奶打得好好，個花好實正，飮到未個花都冇走樣。全店兩個後生仔打理，入門口時啱啱聽到有客問生意如何，後生仔概嘆一般，其實尖沙咀開啡店真係難為皮，幫幫手，杯啡好過街頭連鎖店㗎。

個日係尖沙咀行街，就見到呢間係Cotton On附近嘅咖啡室。見到裝修清新簡單，主題式係黑白色。位置唔多但係好有空間，坐得舒服。價錢方便，比較親民，而且可以坐好耐。性價比高。播住輕快嘅廣東歌，好有親切感。Tomato Mushroom Chicken Risotto意大利飯裏便除咗蘑菇同雞之外，芝士味偏重，蕃茄味濃同埋比較偏甜。而且食得出加咗少少花生醬，味道層次豐富，質地偏淋之餘亦都好容易入口。雞肉方便份量好多，亦都好大件。整體感覺好食唔會太流擺盤幾有心思，而且飯嘅份量好多。一個女仔食都幾飽。Latte店員好細心咁提醒我要攪勻先飲Conclusion: 適合尖沙咀行完街想chill一chill既朋友

·呢間啲拉花真係拉得超靚～(♡⌂♡)淨係呢點已經值得回頭再幫襯！🥳食物推介：《🍅雞肉risotto》💰85有[番茄·洋蔥·白蘑菇·雞肉·巴馬臣芝士］味道夠香口 材料豐富 雞肉份量都算多飯嘅軟硬度都煮得啱啱好 呢個一定要讚🤩👍🏻📍 Youniqueed(尖沙咀)加連威老道41C號嘉威大廈地下A2號舖