大漁屋台 (Closed)

重遊舊地， 十年前住喺淘大花園， 已經發現有好多食肆， 今日嚟呢度探朋友， 佢話得寶商場都有好多新開嘅食店， 就過去望下啦。日本控嘅佢好快就畀呢間居酒屋吸引住， 望下menu價錢都大眾化， 就入去試下。掛滿彩旗， 好日本feel, 大部分都係四至六人枱, 座位寬敞。bar 枱前呢幾粒大琉璃波子， 我好鍾意呢😻前菜: 山葵八爪魚， 小小wasabi味， 唔會太攻鼻， 八爪魚爽口食落透心涼。北海道松葉蟹膏味噌野菜沙律， 最喜歡佢個醬汁另上， 每一條蔬菜都沾滿鮮甜嘅蟹膏味， 令平凡嘅野菜沙律 ，變得好高級同特別。軟殼蟹水菜卷， 主角軟殼蟹， 炸到脆卜卜 ，夾住一片菜食落唔太油膩， 外面舖上滿滿嘅蟹子，讚。左邊係鹿兒島黑豚肉， 右邊係杏鮑菇， 個菇好juicy，驚喜 。滑蛋吉列黑豚丼， 濃濃嘅豬肉配上好滑嘅蛋，不錯。最後一個湯底甜嘅關東煮，完美落幕。