Romanne Leisure Food Concept (砵蘭街) (Closed)

旺角嘅餐廳真係無處不在，今日喺朗豪坊買完野，但係又唔想喺朗豪坊食，就去咗隔離嘅朗晴坊呢間Romanne Leisure Food Concert。餐廳入面有大大個玻璃窗，感覺非常開揚。Lunch Set可以選擇湯或者沙律，是日餐湯係南瓜湯，幾香幾滑。而是日沙律就係新鮮蔬菜配以胡麻醬，味道清新。其中一份主菜就揀咗特選澳洲有骨肉眼扒配薯菜，牛扒超大塊。我就選擇咗五成熟。配菜嘅瓜類好豐富，薯仔都一樣咁好食。另外仲揀咗烤大啡菇芝士自家製牛肉麥漢堡配香料薯條，原來除咗配薯條，仲加有沙律菜。漢堡橫切面層次分明，自家製漢堡扒果然夠厚身，多汁又好味，而我更加欣賞佢嘅麵包係採用麥包，真係幾特色。香料薯條新鮮炸起熱辣辣，外脆內軟，調味仲好香好好味。朱古力焦糖奶昔又香又甜，夏天飲返杯凍飲就啱晒。雖然焦糖Latte冇拉花，不過奶嘅比例都好足夠。