Video
Read full review
2022-07-07
52 views
平時想happy hour但唔想去酒吧咁多人咁嘈，想同朋友靜靜地搵個地方聚下，最好就係去bar & restaurant，可以食下嘢又唔會話太嘈。餐廳座落於染布房街，唔會太人來人往，行工業風，環境幾Chill又開揚，有室內及室外座位可以揀！餐廳嘅menu由澳門葡京米芝蓮餐廳大廚設計，組合好有創意，同場仲加映多款港式cocktail同世界各地嘅手工啤！------------------------------🐙◖白汁蘑菇海鮮狗仔粉◗ $119第一次見pasta有狗仔粉食！蘑菇白汁好creamy，有蜆肉同魷魚圈喺入面，狗仔粉索曬啲海鮮白汁，面頭加埋佢地特製嘅辣菜脯，味道好有衝擊，又幾好食！🍕◖黑松露菌醬芝士意式夾餅 8“◗ $97必試嘅黑忟忟嘅意式夾餅，裏面夾住勁多黑松露芝士！一切開就聞到好香黑松露味，熱辣辣拉絲效果一流！啖啖都係芝士同黑松露醬，配埋個有咬口嘅煙韌餅底，好滿足！🦀◖芝士軟殼蟹窩夫漢堡 配薯圈◗ $109用窩夫取代咗個漢堡，可以揀配厚切薯條或者薯圈。芝士淋咗喺軟殼蟹上面，軟殼蟹好大隻，底層係番茄菜同窩夫，整到成個漢堡咁夾住。軟殼蟹好香口好脆但炸粉偏厚，窩夫略嫌有啲甜同埋食落
------------------------------
🐙◖白汁蘑菇海鮮狗仔粉◗ $119第一次見pasta有狗仔粉食！蘑菇白汁好creamy，有蜆肉同魷魚圈喺入面，狗仔粉索曬啲海鮮白汁，面頭加埋佢地特製嘅辣菜脯，味道好有衝擊，又幾好食！
🍕◖黑松露菌醬芝士意式夾餅 8“◗ $97
必試嘅黑忟忟嘅意式夾餅，裏面夾住勁多黑松露芝士！一切開就聞到好香黑松露味，熱辣辣拉絲效果一流！啖啖都係芝士同黑松露醬，配埋個有咬口嘅煙韌餅底，好滿足！
🦀◖芝士軟殼蟹窩夫漢堡 配薯圈◗ $109
用窩夫取代咗個漢堡，可以揀配厚切薯條或者薯圈。芝士淋咗喺軟殼蟹上面，軟殼蟹好大隻，底層係番茄菜同窩夫，整到成個漢堡咁夾住。軟殼蟹好香口好脆但炸粉偏厚，窩夫略嫌有啲甜同埋食落唔脆口。
🍹◖R Lychee◗ $85
似特飲多過似cocktail，仲有兩粒新鮮水果做topping！用咗cassis liqueur+lychee+grape，所以偏甜，果味會濃啲，飲唔出係酒！
🍍◖Ball and Law◗ $85
因為係用vodka做底加啲pineapple juice，酒精味會出啲，微甜帶少少苦，係個人幾鍾意嘅cocktail！
Encore指數：8.5/10
------------------------------
餐廳食物種類都幾多，輕食主食都有，而且食物質素一啲都唔馬虎，想試曬佢嘅特色pizza！佢cocktail menu嘅飲品都好吸引，偏果味，唔鍾意飲酒嘅都有幾款mocktail揀，啱曬一大班人黎happy hour，一定有自己啱食啱飲嘅嘢！
Post
