麻辣派 (Closed)

又想食海鮮又想打邊爐，上網搵餐廳果障就見琴呢間，一次滿足曬兩個願望😍一去到梗係要食佢個招牌海鮮大咖。佢有三款湯底，分別係蒜蓉，冬陰公同麻辣（有得分大中小辣）。咁我同友人梗係要試吓佢個麻辣啦，就叫左小辣！（後尾都發現幾辣）至於，火鍋湯底我地就簡左藥膳😚未來野食之前，發現旁邊有自助小食選擇。今晚就有木耳，雲耳同埋青瓜，爽脆開胃😋忍唔住食左好多😝野食來到，原來佢係左右唔同湯底，食完海鮮直接當鴛鴦鍋咁打邊爐！海鮮好豐富！🤩🤩鮑魚同魷魚筒煙煙韌韌，浸得耐都幾入味。元貝既話好大粒！但個人認為同麻辣唔係幾襯，都係平時食果種蒜蓉清蒸好食啲🤣🤣🤣賴尿蝦好大隻😱兩個人份量都應該起碼有10隻！肉質厚實！花甲都有一大堆，偏大隻，吸曬麻辣湯正～仲有兩條大蟹柳同兩隻膏蟹，啲膏好多😍不過發現佢個鍋底勁多豆卜，食極都仲有😋d豆卜，金菇，冬瓜吸曬汁，食起上來好惹味！食完海鮮梗係打邊爐！自助區嗰度唔算有好多嘢食揀，肉嘅話得牛同豬，蔬菜都唔算多。但因為只係$68所以都OK🤣食物質素中規中矩。值得一提既佢有五款啤酒任飲，同朋友吹水打邊爐都幾正😋總括而言呢間食海鮮都唔錯～價錢合理，環境係旺中樓上舖，都方便～唔錯！