趣亭餐飲館 (Closed)

同好耐無見既朋友仔行完街買完野，又係時間食飯。係旺角人多又迫既地方搵野食真係有難度，如果要埋人小小靜靜地既地方就真係仲難。係openrice搵到呢間樣上café，一於膽粗粗試下。一出Lift，右邊就見到。呢間樓上店都幾多裝飾幾特別。經店長推介下，叫左個燒烤拼盤＄１０８。拼盤內有雞翼，厚身薯條，薯角，司華力腸片同粟米。一陣一陣野味真係幾吸引，全部炸得脆卜卜但係又無咩油wo。薯條同薯角都好新鮮，唔係出面咁番炸。除左頭盤仲叫多一個晚餐SET。聽個名真係好利害，厚切美國安格斯肉眼＄１６８。我地要配白飯。叫SET就會有方包，同餐湯。再加左一杯特飲。方包個主角係熊仔，熊仔幾得意。哈哈。其實方包本身都唔差咖，唔洗加牛油都有香香既牛油味。豬頭餐碗。呢間餐廳既餐具都幾討人歡心咖WO。餐湯夠料，有蔬菜豆，肉粒，湯味濃，無加水。主角，厚切美國安格斯肉眼。肉眼七至八成熟，岩岩好。肉很香，新鮮。調味唔錯，肉汁仲係切開時流出來，ＧＲＥＡＴ。食到咁上發現到佢地餐廳內有天地。係餐廳後面有個私人地方，比客人開派對時用，藍光設計，幾有架調咖ＷＯ。