私家廚房 (Closed)

之前聽朋友講喺旺角見到有間好似食私房菜既餐廳，今日終於約到上去食了。有口碑黃金脆魚皮，好大塊無乜碎濕濕，超鬆脆又鬆化！自家製造撚手墨魚片頭，好少有得食，今次仲要新鮮整好出黎，熱辣辣好好味！燒汁脆米安格斯牛粒，牛粒唔韌，另外佢係用茄子切粒一齊煮，有新意得黎又幾好食。鄉下佬炒雜菜，其實只係好普通既菜，但就炒到好有獲氣。老輝造法砵仔焗魚腸，黎到嗰時仲係到咋咋聲，面鋪左啲油炸鬼，個面焗到脆卜卜好香口。主角魚腸一啲都唔腥，同蛋既比例差唔多係一半一半。最後送左碟菠蘿比我地清清口既油膩。