Video
Read full review
2022-01-08
37 views
同friend想出尖沙咀飲咖啡，發現原來天文台道8號附近開咗間mood cafe。雖然地方偏細以外賣咖啡為主，但岩岩好有兩張凳，可以坐喺度堂食。Mood Coffee店如其名，就等我哋好即興咁試下啦~ Dirty Coffee (+$8 轉Oat milk)今次叫咗杯dirty試下。Dirty即係最後先落咖啡，當咖啡滲落下面嘅凍奶時，除咗睇落髒髒的，仲有個漸層效果，保留番咖啡既香味同奶的醇厚感。不過我哋掛住傾計冇即時飲，可能都影響咗個質感，飲到燕麥奶味較多。大家下次嗌多次記得盡快飲啊！另外一提，呢度燕麥奶、杏仁奶或者豆奶嘅，都係外國進口牌子，唔係cheap嘢。Dirty Tea ($46)構思幾特別，有啲似港式奶茶溝咖啡變鴛鴦嘅概念。面層coffee外，底層嘅茶可以揀earl grey/honey bush或者english breakfast tea. 飲落味道清新，特別係Earl grey嘅茶味好獨特，加埋咖啡嘅甘甜味，好特別。呢度嘅咖啡杯插畫都好得意㗎。有少少可惜嘅係杯嘅size唔大，冇得升級; 同埋因為係外賣杯，睇唔到入面嘅漸變打卡效果。Toast ($42) Traditio
同friend想出尖沙咀飲咖啡，發現原來天文台道8號附近開咗間mood cafe。
雖然地方偏細以外賣咖啡為主，但岩岩好有兩張凳，可以坐喺度堂食。Mood Coffee店如其名，就等我哋好即興咁試下啦~
Dirty Coffee (+$8 轉Oat milk)
今次叫咗杯dirty試下。Dirty即係最後先落咖啡，當咖啡滲落下面嘅凍奶時，除咗睇落髒髒的，仲有個漸層效果，保留番咖啡既香味同奶的醇厚感。
不過我哋掛住傾計冇即時飲，可能都影響咗個質感，飲到燕麥奶味較多。大家下次嗌多次記得盡快飲啊！
另外一提，呢度燕麥奶、杏仁奶或者豆奶嘅，都係外國進口牌子，唔係cheap嘢。
Dirty Tea ($46)
構思幾特別，有啲似港式奶茶溝咖啡變鴛鴦嘅概念。面層coffee外，底層嘅茶可以揀earl grey/honey bush或者english breakfast tea. 飲落味道清新，特別係Earl grey嘅茶味好獨特，加埋咖啡嘅甘甜味，好特別。
呢度嘅咖啡杯插畫都好得意㗎。有少少可惜嘅係杯嘅size唔大，冇得升級; 同埋因為係外賣杯，睇唔到入面嘅漸變打卡效果。
Toast ($42) Traditional
Cheese幾香濃，夾咗喺ham入面,每啖咬開塊火腿都會爆芝士。加上係喺火腿上面灑咗黑椒碎調味，整體鹹香感覺都出嘅。
Toast ($42) Balanced
三款都好易分: 有菜(Healthy)即係加牛油果，有肉即係加ham and cheese，而Balanced就即係兩樣都有啦。加咗牛油果感覺再清新啲。同埋牛油果係飽肚類superfood，食完滿足曬，Lunch都唔洗食啦。
一路坐都見唔少人買咖啡外賣，似乎都係呢頭coffee shop嘅熱門選擇之一。
Post
