Video
Read full review
2018-10-27
473 views
係旺角旺區核心地段，本來唔會期望有乜好食既餐廳🤔 加上呢間係一間經常都有人排隊既名店，齊晒中伏formula既因素😂 結論先上：不過不失，速食選擇，性價比一般，同我喜愛既有心小店南轅北轍週三晚上八點幾到，竟然唔駛排隊直入😋 舖頭裝修走簡潔路線，但坐位同坐位間好窄，畢竟係旺區😑 有一半客人都係遊客，手拿住唔少行李同戰利品，顯得店面空間更細係香港做日本嘢，其實真係好隱陣，只要食材唔太差，賣相可以，比人影下相，呃下like，就已經可以賣到好價🙄食物質素就中中挺挺，麵鼓湯先上，味道一般，入面有唔少肉。兩個大丼上黎，伴碟有washabi同紫菜，用紫菜包飯同餸自己搞，確實係一個幾得意既飲食體驗，但紫菜份量最好多番啲，碗飯咁大，紫菜得兩包🤢老實講，魚生丼，將啲嘢溝埋一齊，真係無乜技術含量可言，唔係話佢難食，只係走賣相路線佢都叫做有堆砌過，同場較多人嗌海膽飯同牛肉飯，如果唔多人排，係旺角都係一個快速用餐好選擇🌈
結論先上：不過不失，速食選擇，性價比一般，同我喜愛既有心小店南轅北轍
週三晚上八點幾到，竟然唔駛排隊直入😋 舖頭裝修走簡潔路線，但坐位同坐位間好窄，畢竟係旺區😑 有一半客人都係遊客，手拿住唔少行李同戰利品，顯得店面空間更細
係香港做日本嘢，其實真係好隱陣，只要食材唔太差，賣相可以，比人影下相，呃下like，就已經可以賣到好價🙄
食物質素就中中挺挺，麵鼓湯先上，味道一般，入面有唔少肉。兩個大丼上黎，伴碟有washabi同紫菜，用紫菜包飯同餸自己搞，確實係一個幾得意既飲食體驗，但紫菜份量最好多番啲，碗飯咁大，紫菜得兩包🤢
老實講，魚生丼，將啲嘢溝埋一齊，真係無乜技術含量可言，唔係話佢難食，只係走賣相路線佢都叫做有堆砌過，同場較多人嗌海膽飯同牛肉飯，如果唔多人排，係旺角都係一個快速用餐好選擇🌈
28 views
0 likes
0 comments
14 views
0 likes
0 comments
28 views
0 likes
0 comments
Post
