唐包點

Open Now

Now Closed

幾個月後又去玩貓，照舊出mtr買熱食上去。魚香茄子飯 $29好欣賞佢分兩碗，一個飯一個魚香茄子。飯夠女仔食有多，長條形就質外帶飯。淨食啖飯都唔會乾身。配魚香肉碎汁就當然好味d，夠香口。茄子有微辣，有小炒風味。鳳爪排骨飯 $27樣子小巧，內藏大肉，入味鳳爪。豆豉咬開就香既。鳳爪唔多油既，皮香有小軟骨。排骨易咬，都唔會有雪味。奶皇包 $7.5好靚奶黃色，軟包好奶好順滑奶皇。少少甜，香為主。蕃薯包 $7.5飽滿蕃薯去次所，哈哈！蕃薯蓉實扑扑，比奶皇包甜度高d。燒賣 $18紅蘿蔔粒蝦仔，豬肉似咬墨魚丸咁。蜂蜜紅棗生薑茶 $9紅棗生薑補身，本身比較濃辣既薑有蜂蜜幫下中和了。