Video
Read full review
2019-12-11
71 views
一入到去，裝修環境好優雅，配樂都好浪漫，引人入勝，好適合情侶或者成班姐妹幫襯。我地嗌左一個luxury high tea set（$328/2ppl $168/1ppl)。咸食方面，由底開始就有呢個煙鴨胸沙律，用一枝牙籤串住，食落去非常方便。肉味同沙律菜都配合啲非常之好。三文魚子溫泉蛋黎講，蛋嘅熟度啱啱好，非常之流心，配合三文魚子嘅海水味，簡直就係天衣無縫。鵝肝小餅乾，鵝肝嘅香濃配上餅乾嘅香脆，令人食指大動。芝士火腿牛角包，芝士同火腿嘅咸香都好襯牛角包嘅牛油味。牛角包仲要好脆卜卜，正！迷你蟹肉牛油果薄餅，牛油果已經打爛曬，同啲蟹肉融合左，創出一個令人意想不到嘅組合。甜品方面，玫瑰奶凍杯，當中嘅士多啤梨同牛奶味平衡得非常之好。最出色莫過於焦糖燉蛋，脆卜卜嘅焦糖焦香甜蜜配上燉蛋嘅軟滑，食一啖好似升仙咁呀！馬卡龍有橙味同檸檬味，咬落脆脆地甜甜地，都幾好食！忌廉泡芙，外層香脆，咬落去啲忌廉唧晒出嚟！最後有呢個特濃朱古力凍餅，口感好滑，朱古力味都好濃，為成個tea set黎左一個完美嘅句號。.飲品方面，我哋嗌左一個法國玫瑰花茶同埋桂花水果蜜。玫瑰花茶非常清甜，入面仲真係有幾粒玫瑰花！桂花水果蜜，
一入到去，裝修環境好優雅，配樂都好浪漫，引人入勝，好適合情侶或者成班姐妹幫襯。我地嗌左一個luxury high tea set（$328/2ppl $168/1ppl)。
咸食方面，由底開始就有呢個煙鴨胸沙律，用一枝牙籤串住，食落去非常方便。肉味同沙律菜都配合啲非常之好。三文魚子溫泉蛋黎講，蛋嘅熟度啱啱好，非常之流心，配合三文魚子嘅海水味，簡直就係天衣無縫。鵝肝小餅乾，鵝肝嘅香濃配上餅乾嘅香脆，令人食指大動。芝士火腿牛角包，芝士同火腿嘅咸香都好襯牛角包嘅牛油味。牛角包仲要好脆卜卜，正！迷你蟹肉牛油果薄餅，牛油果已經打爛曬，同啲蟹肉融合左，創出一個令人意想不到嘅組合。甜品方面，玫瑰奶凍杯，當中嘅士多啤梨同牛奶味平衡得非常之好。最出色莫過於焦糖燉蛋，脆卜卜嘅焦糖焦香甜蜜配上燉蛋嘅軟滑，食一啖好似升仙咁呀！馬卡龍有橙味同檸檬味，咬落脆脆地甜甜地，都幾好食！忌廉泡芙，外層香脆，咬落去啲忌廉唧晒出嚟！最後有呢個特濃朱古力凍餅，口感好滑，朱古力味都好濃，為成個tea set黎左一個完美嘅句號。
.
飲品方面，我哋嗌左一個法國玫瑰花茶同埋桂花水果蜜。玫瑰花茶非常清甜，入面仲真係有幾粒玫瑰花！桂花水果蜜，花香配上呢個水果嘅清新，令到呢個花茶嘅味道非常之有層次！
Post
