夜見燒鳥

Open Now

Now Closed

間餐廳喺大角咀，太子站行過去大概6分鐘左右，都唔算十分之遠。嗰日即日先book位，都book到，覆得好快。餐廳其實唔大但係都好多位。入去就有前菜送，係個醃蘿蔔幾好食，如果係凍嘅就更好啦。個啤酒幾好飲，Waiter 好貼心咁開大咗個冷氣。嘢食總體來講都幾好食。最欣賞個雞頸骨；燒白鱔都10分有驚喜；牛舌就厚得滯可以薄少少；明太子玉子燒好食；雞屁股都有，又幾特別喎。甲羅燒就OK啦，可以比多幾篇多士；個飯團就其實叫一舊都夠。美中不足係呢度竟然冇甜品🍮我無坐吧枱，見到吧台啲食客同廚師傾得好開心，我估呢度都好多熟客，實在係旺市中嘅一個清泉。