汀汀烤活魚 (Closed)

今日約咗三個舊同學見面，佢哋提議去食雞煲，見到佢地send黎既汀汀烤活魚，開頭就諗路邊嗰間啦，一睇地址原來係上樓嘅，差少少就去錯添。呢一間分店0係西洋菜南街，百寶利中心5樓，行到樓下就見到好多人排隊搭𨋢架啦。一出𨋢，發現樓上食店果然有佢地嘅好處，地方好寛闊，一啲都唔迫，我哋四個人坐一張大枱，坐得好舒服，仲有位擺野添。睇吓餐牌，都有唔少選擇架。有個海鮮餐好抵，可惜有兩位朋友都唔多食海鮮，咁我地唯有散叫啦。先叫咗一個麻辣雞煲，大家都唔係太食得辣，只係叫咗微辣，再點左各式各樣嘅火鍋生料，價錢都幾相宜架。有一樣野佢哋做得好貼心嘅，就係火鍋生料好多都可以叫半分，方便細食又想試多啲嘢嘅人呀嘛！雞煲上枱啦！佢哋嘅員工會好貼心咁先幫我地炒個雞煲，然後先放上來我地前面，等佢慢慢滾。好快就食得架啦。呢個雞煲好足料，一隻雞係大大隻嘅，有好多肉，食極都有，唔係迷你雞。雞肉用料好，斬件都好有功架，無碎骨，每一件雞肉都好多肉，唔太肥，肉質好滑。由於佢哋預先幫我地翻炒嘅關係，每一件雞肉都完美咁沾滿左醬汁，入口口感好豐富，令人滿足。至於調味方面，佢哋都用咗好多種唔同嘅香料，令到味覺更加有層次，非常惹味，我哋食到停唔