餃子縣餃子專門店 (Closed)

我同熊先生都超愛食餃子, 今日黎到呢間標榜係香港品牌, 香港味道, 香港製作嘅餃子店食個宵夜餃子選擇都唔少, 有成十幾款任你揀一份餃可以揀5隻或8隻, 宵夜唔敢食太多, 叫兩款, 每人5隻算啦餃子皮係我鐘意嘅質感, 挺身, 結實之餘又唔會過厚, 重每碗都送你一條菜添我對粟米餃一向情有獨鍾, 之前食過最好味嘅粟米餃, 係咬開餃子嘅同時, 爽甜多汁嘅粟米同時爆開呢個口感, 用其他餡料係做唔到架!!! 呢度嘅粟米餃都尚算鮮味, 美中不足係粟米唔夠甜同飽滿。平時食開嘅餃子餡通常都係蔬菜加豬肉, 呢款紫菜豬肉餃, 有新鮮感之餘仲非常好食 紫菜同豬肉嘅比例啱啱好, 絕對值得一試呀