炸理滷味 (Closed)

約咗朋友又未夠鐘見面，唯有係旺角周圍行下，無意中就發現呢間新鋪頭。之前都聽聞過呢間炸物小店嘅消息，個店名都幾爆：炸理滷味。咁鬼馬，真係要入去八卦下佢攪邊科先。店鋪以懷舊作為主題，又唱機碟又唱片套，可以睇得出佢地係裝修上都花咗唔少心思！整體環境幾舒服！唔鐘意企係街到食野，呢到都係一個唔錯既聚腳地！小試牛刀，今次包括叫左香菇、粟米仔、三角芝士同多春魚。由於即叫即整，所以需要稍等片刻，大概十分鐘左右，新鮮熱辣炸物送到！講下個三角芝士，好濃嘅芝士味道，非常燙口，可見相當新鮮，記住輕輕吹下再食啊！其他炸物相對上比較淡味，所以可以在旁邊拎調味料加加味！總結一下：價錢合理，即叫即炸；夠熱夠新鮮！唔鐘意係街邊亂行掃嘢食，呢到真係可以小歇片刻。呢到除左炸物之外，仲有各種滷味任你揀！口渴仲可以揀特飲或特色啤酒、包羅萬有。下次好想試嘅炸物有「芝士海龍波波」海龍究竟係乜野味呢；話哂個鋪名有一半係炸物、一半係滷味。點都要試下佢嘅其他作品「滷味雞脾」，相就影得好吸引，唔知食落又點呢？即管期待下先，下次見。