金寶蟲草皇湯之日常 (Closed)

作為香港上班族，放工返屋企時間已經夜一夜，想煲啖湯飲真係無咩時間。難得出去做嘢可以早啲返屋企，臨搭車前見到有燉湯賣，一於買返去同屋企人齊齊飲啖靚湯。本身 #金寶蟲草皇 係賣蔘茸海味，相信燉湯會好足料，果然一飲就有住家感覺，即係好似啲阿媽唔怕落足料，只怕你唔飲咁煲一碗湯，推介各位無飯家庭呀！◽️ 美國花𣄃參石斛花膠湯一盅湯料、一盅湯，望住盅湯料已經好足料，慢慢拎出嚟發現好多湯料，有花旗參、石斛、筒膠、瘦肉、准山，集滋潤、降火、解虛熱煩倦、益胃集於一湯，入口鮮甜似足住家湯，最啱我呢啲又忙又成日捱夜人士！◽️ 冬日暖身鮑魚烏雞湯一碗就有一隻鮑魚同一大件烏雞，湯頭清澈鮮甜，原來仲有太子參、東陽棗、龍眼、25年陳皮齊齊燉製。烏雞補虛勞、健脾胃；鮑魚養血滋陰，無論皮膚同內臟都可以調理一下。🔸 養顏潤肺杏仁霜食甜品都可以養顏？無錯！用上即磨的南杏、北杏製成，加上蛋白和松子，食落已經有濃郁杏仁味，少許松子增加口感，女生們一定喜歡。🔸 護肝排毒龜靈膏龜靈膏可以清熱解毒，消除暗瘡、調理臟腑，都是人記得入手啦！▪️ 手工參蜜、清熱潤肺茶除咗燉湯同甜品外，仲有飲品可以即時飲，而家咁熱嘅天氣就啱晒啦！