鮪世市場 (鴻威大廈) (Closed)

朋友仔約到，星期一晚黎到旺角油麻地一帶，對比其他區熱鬧有人氣好多。六點半到餐廳，壽司枱前已經幾乎坐滿，好在朋友話想試呢間，所以之前book左。最中意自己 scan QR code落單，清楚方便睇到叫左幾多。我哋 total 叫左25件，主攻餐廳內價位中上既靚壽司多，都係$805埋單。有北海道牡丹蝦，金目鯛，磯煮小鮑魚，中本鮪魚腩，深海池魚，油甘魚腩，蟹膏軍艦，日本帆立貝，火炙三文魚腩，火炙左口魚裙邊，日本象拔蚌，輕燒劍魚腩，甜蝦。重點推介北海道牡丹蝦，首先啲蝦好大隻，大概係一隻碟既直徑。蝦肉晶瑩爽甜，配埋上面既膏一齊食，係雙重鮮味！磯煮小鮑魚: 隻鮑魚煮得好腍，好驚喜，唔怕會難消化~蟹膏軍艦: 軍艦都幾大咁舊，蟹膏果層又厚，一咬蟹膏滿溢，分咗兩啖先食完。