漁粉 (Closed)

之前去佢隔離鋪頭食野，聞到佢地鋪頭好香，所以留意到開左呢間漁粉川菜火鍋。今日約埋朋友一齊黎打邊爐。佢地有唔同餐可以揀，每個餐有啲特選食材，出面亦有一般既火鍋材料，飲品同甜品。我地今次要左b餐，因為有得食安格斯肥牛同手打墨魚滑，湯底就要左個胡椒海鮮湯底。個湯底有青口同蝦，十分鮮甜。特選食材入面，我最鍾意係佢個爐魚片，超級滑，入口即溶。安格斯肥牛雪花紋幾靚，肥瘦適中。墨魚滑夠彈夠滑，值得一試。普遍丸類火鍋食材我地每樣都拎左啲，全部都幾新鮮。打邊爐唔少得既一定係甜品，漁粉有提供阿菠蘿既唔同口味既雪糕，仲有牛奶布甸味雪條，滿足晒唔同口味夠人👍🏻