喜來稀肉 (瓊華中心)

Open Now

Now Closed

呢間韓燒真係細個食到大，旺角分店剛剛翻新過，充滿格調，出面亦提供免費韓式醃菜小食（泡菜、醃蘿蔔、醃青瓜、芽菜）和醬汁提供。店家用QR code下單，十分方便。喜來烤肉烤肉部份點了招牌喜來烤肉，賣相卷成花形狀，很有心思，呢款牛肉肉質偏向腍身，而且帶點蜜糖香，十分推薦。牛護心肉今日主攻牛，呢款牛護心肉牛味較重，建議呢款牛唔好燒太耐，肉質較厚充滿口感。海鮮牛胸肉大醬湯食完烤肉之後當然要試埋其他韓式主食，我們點了這個大醬湯，海鮮部份有蜆和蟹腳，還有牛胸肉，食材豐富，大醬湯帶點微辣，十分開胃。石鍋豬肉拌飯另外點了一份石鍋豬肉拌飯，一開始即刻放上小小辣醬，拌飯加埋豬肉，芽菜，菇好香口。石鍋拌飯帶點飯焦香。烤肉鍋邊仲有煎蛋和加入芝士，一齊食好滿足啊。鍾意食韓燒一定要嚟呢間食，選擇多而去環境舒適，適合一大班朋友聚會。