榮哥煮場 (Closed)

位於旺角嘅❣︎榮哥煮場❣︎主打濃湯花膠雞煲，招牌酸菜魚煲，胡椒豬肚雞煲⋯⋯等等，價錢親民👍🏻老闆兼大廚重喺2016年環球廚神👨🏻‍🍳中獲得環球廚神金獎添，鍾意食呢類菜式嘅朋友一定要來幫襯下👍🏻❣︎二人套餐❣︎$298跟一個煲+一碟前菜+自選小菜一款+白飯兩碗+甜品兩位/飲品兩杯❣︎濃湯花膠雞煲❣︎湯底落足8隻雞同鯊魚骨熬足10個鐘😋份量十足👍🏻勁多花膠同雞🤤花膠有彈性，雞味十足，肉質嫩滑，啖湯好飲到不得了，花膠雞味濃郁，飲完都唔會口乾，最貼心係重有個電熱爐滾住，保證熱辣辣。❣︎鹹菜豬肚❣︎成碗滿嘅鹹菜豬肚😋微辣惹味👍🏻醒脾開胃。❣︎前菜.涼拌木耳❣︎酸甜鹹香，口感爽脆，做前菜小食一流。❣︎樽仔奶茶❣︎每日新鮮製造👍🏻甜度適中，充滿茶香。❣︎熱話梅鹹柑桔❣︎超大粒話梅，甜中帶鹹，生津止渴，幫助消化。