Video
Read full review
2021-07-02
666 views
一班朋友聚會，想坐得舒服慢慢傾，又或者玩下Board Games，樓上Café係不二之選。朋友揀左旺角新城嘅【Nardo’s Café】，喺大街好近信和中心，地點便利相當易搵。Café佔8樓全層，空間感十足，門口有巨型胡桃夾子公仔迎賓。店內用紅白色做主調，有多盞水晶吊燈，華麗之中富活力。牆身吊櫃放左好多玩具同手辦模型，入口層架裝滿各式遊戲Board Games，可見店主都係愛玩之人。餐牌選擇豐富，晚市除左意粉/意大利飯套餐，仲有多款小食、炸物、沙律同蛋糕。飲品方面有果味紅茶/綠茶、梳打、特飲，仲有咖啡、奶昔/沙冰。注重養生嘅朋友，亦可選熱飲生薑/紅棗/柚子蜜或以玻璃壺奉上嘅果茶/花茶。特式小食拼盤 ($158)小食拼盤有6款炸物，包括:雞翼、日式餃子、麥樂雞、雜菜春卷、咖哩角各4件，仲有辣味薯角，大大一籃夠晒4個人分享。拼盤即叫即炸，上枱時熱辣香脆，乾爽唔油膩。麥樂雞加左蜜糖，甜甜地出奇地好味。特濃芝士薯條($82)粗身波浪薯條炸到金黃色，芝士醬加左白汁，質感滑順，味濃而唔會過鹹。部份薯條雖被芝士醬弄得軟淋，但趁熱食剛好夾雜脆同淋嘅雙重口感，美味不減。醬汁上面仲灑滿香草同炸蒜粒，味道更
Café佔8樓全層，空間感十足，門口有巨型胡桃夾子公仔迎賓。
店內用紅白色做主調，有多盞水晶吊燈，華麗之中富活力。
牆身吊櫃放左好多玩具同手辦模型，入口層架裝滿各式遊戲Board Games，可見店主都係愛玩之人。
餐牌選擇豐富，晚市除左意粉/意大利飯套餐，仲有多款小食、炸物、沙律同蛋糕。
飲品方面有果味紅茶/綠茶、梳打、特飲，仲有咖啡、奶昔/沙冰。注重養生嘅朋友，亦可選熱飲生薑/紅棗/柚子蜜或以玻璃壺奉上嘅果茶/花茶。
特式小食拼盤 ($158)小食拼盤有6款炸物，包括:雞翼、日式餃子、麥樂雞、雜菜春卷、咖哩角各4件，仲有辣味薯角，大大一籃夠晒4個人分享。拼盤即叫即炸，上枱時熱辣香脆，乾爽唔油膩。麥樂雞加左蜜糖，甜甜地出奇地好味。
特濃芝士薯條($82)粗身波浪薯條炸到金黃色，芝士醬加左白汁，質感滑順，味濃而唔會過鹹。部份薯條雖被芝士醬弄得軟淋，但趁熱食剛好夾雜脆同淋嘅雙重口感，美味不減。醬汁上面仲灑滿香草同炸蒜粒，味道更有層次感。
挪威煙三文魚沙律 ($148)食左好多炸物，點個沙律中和一下就啱啱好。"挪威煙三文魚沙律"份量巨型，三文魚色澤鮮豔，捲成巨型玫瑰花，賣相好吸睛。食落口感肥美豐滿帶鹹香，沙律菜新鮮爽脆，加埋車厘茄同醒胃醬汁，健康又好食。
紐約芝士餅 ($27) 特濃朱古力蛋糕($27)甜品叫左蛋糕，切餅比一般Café大，Size可以媲美連鎖咖啡店不過價錢就平好多。"紐約芝士餅"質地挺身結實有奶香，正宗美式風味。"特濃朱古力蛋糕"有2層厚厚嘅Mousse，食落絲柔幼滑，朱古力味濃得嚟唔會太甜，令人回味。
芒果奶昔 ($55) Oreo 朱古力曲奇奶昔 ($58)飲品點左2杯奶昔，用啤酒Mug裝，大大杯可以飲足成晚。奶昔打得好細滑飲落冇碎冰。"芒果奶昔"冰涼順滑有芒果香。"朱古力曲奇奶昔"每一啖都充滿Oreo曲奇碎，邪惡但又令人難以抗拒。
Post
