Video
Read full review
2019-05-12
515 views
上次同朋友黎過呢間Little Fresh，覺得食物質素同水準都好高，今日約咗另一個朋友傾計食飯，所以專程帶佢黎試試一開𨋢門已經見到一張白色嘅打韆鞦凳，再望埋入餐廳，係以藍色嘅天空同海洋為主題，加埋呢張凳就好有渡假嘅感覺餐牌選擇嘅種類都幾多，由湯，沙律，主菜，甜品，飲品一應俱全首先就由個湯開始，我同朋友都係鍾意食海鮮嘅人，所以貝柱龍蝦湯就最適合不過，Little Fresh呢個龍蝦湯個人覺得係必試龍蝦味好濃，裏面仲有蜆肉，蝦，青口同貝柱粒，最加埋龍蝦湯嘅味道食真係好好食跟湯仲會有蒜蓉包，烘得啱啱好，脆得黎唔會好硬，好香嘅蒜蓉味再加埋香草一齊食，再點少少湯，好食到想食多塊前菜我哋叫咗個白酒煮蜆，呢個白酒煮蜆真係落重料，白酒再加埋蜆汁本身嘅鹹味，已經好鮮味，再加埋煎香左既煙肉，洋蔥，青豆粒同香草令到個湯更加香，更加出色嘅係佢落咗小小辣椒，令到個湯多咗一層味道，朋友話呢個時候好想要一碗白飯黎餸個汁😂😂煙三文魚扁意粉個味道都好出色，個白汁好濃好creamy，但係又唔會太過結，將煙三文魚切成絲同意粉個醬汁混合埋一齊食，雖然望落去冇咁好睇，味道絕對好過將兩樣野分開食朋友鍾意食牛扒咁就當然要叫返一個
一開𨋢門已經見到一張白色嘅打韆鞦凳，再望埋入餐廳，係以藍色嘅天空同海洋為主題，加埋呢張凳就好有渡假嘅感覺
餐牌選擇嘅種類都幾多，由湯，沙律，主菜，甜品，飲品一應俱全
首先就由個湯開始，我同朋友都係鍾意食海鮮嘅人，所以貝柱龍蝦湯就最適合不過，Little Fresh呢個龍蝦湯個人覺得係必試
龍蝦味好濃，裏面仲有蜆肉，蝦，青口同貝柱粒，最加埋龍蝦湯嘅味道食真係好好食
小貝柱龍蝦湯
$68
14 views
0 likes
0 comments
跟湯仲會有蒜蓉包，烘得啱啱好，脆得黎唔會好硬，好香嘅蒜蓉味再加埋香草一齊食，再點少少湯，好食到想食多塊
前菜我哋叫咗個白酒煮蜆，呢個白酒煮蜆真係落重料，白酒再加埋蜆汁本身嘅鹹味，已經好鮮味，再加埋煎香左既煙肉，洋蔥，青豆粒同香草令到個湯更加香，更加出色嘅係佢落咗小小辣椒，令到個湯多咗一層味道，朋友話呢個時候好想要一碗白飯黎餸個汁😂😂
白酒煮蜆
$78
26 views
0 likes
0 comments
煙三文魚扁意粉個味道都好出色，個白汁好濃好creamy，但係又唔會太過結，將煙三文魚切成絲同意粉個醬汁混合埋一齊食，雖然望落去冇咁好睇，味道絕對好過將兩樣野分開食
黑魚子白汁煙三文魚燴扁意大利麵
$128
6 views
0 likes
0 comments
朋友鍾意食牛扒咁就當然要叫返一個，出面好多西餐廳嘅薯蓉都係用粉開出嚟，呢個薯蓉絕對唔係，食落去有兩種口感，因為除咗打溶咗嘅薯蓉之外仲會有一粒粒嘅薯仔，加埋少少cream同牛油去煮，廚師真係用心良苦
老闆話佢哋嘅牛扒係堅持用高質素嘅牛扒，絕對唔會用僵屍肉，所以食落去牛朳既質素的確幾高，牛味好香
澳洲穀飼肉眼扒配奶油蘑菇
$238
13 views
0 likes
0 comments
呢度既廚師好識運用香草去加落菜式度，餐廳既好多菜式都會加入左香草，以下呢杯飲品都唔例外，有打碎左既羅勒草，飲落去真係好香，唔會只得士多啤梨既香味
羅勒士多啤梨沙冰
$58
10 views
0 likes
0 comments
雜果水果茶個茶底濃度岩岩好，唔會比果香蓋過個茶味，仲有鮮果係入面
雜果水果茶
$48
2 views
0 likes
0 comments
最後就叫埋個甜品，我一向好怕食吐司，因為一係就太硬，一係就太脆口，呢個法式吐司做得好鬆化，帶少少甜味，朱古力醬份量控制得好好
香蕉朱古力果仁法式吐司
$88
1 views
0 likes
0 comments
Little Fresh 可以話我係旺角區食過最好食既西餐廳，仲好適合開包場開Party！
Post
