花月庭 (Closed)

今日一行八人，試吓旺角火車站上邊嘅帝京酒店內既花月庭嘅午餐buffet，做緊優惠首100位每位228連加一，呢個價錢好吸引，竟然有生蠔同魚生食，生蠔仲要係即開，非常吸引，Lunch buffet有生蠔供應，真係寥寥可數⋯⋯想不到花月庭都有，而且，生蠔新鮮但係比較細隻，味道尚可，雖然每人限取兩隻蠔，但係都好多人排隊，最少要等5-7分鐘到，等候時間都可以接受，其他甜、鹹食、沙律、水果、中西日美食、燒味、海鮮冷盤、中西湯、超過80款，款式算多，仲有餐茶係自助形式，所以係任飲，　魚生都有三款俾你揀，三文魚仲係厚切，味道鮮美，另外，甜品雪糕估唔到係Movenpick ，價錢唔平，而且品質一定有保證，但美中不足系侍應只可以畢兩個雪糕球味道，但係雪糕球比較細個，想食就要走多幾轉。雪糕櫃隔離有不同配料可以俾你加添，有不同嘅糖漿、糖果、朱古力碎、果仁碎、粟米片等，估唔到星期一，午餐時段非常多人、平日都坐到坐爆人，勁！