Slluks T2 (Closed)

最近登打士街開左一間非常吸睛嘅手調飲品店！ 整體感覺勁有外國塗鴉藝術feel!門面好大，主要賣水果茶同比較少見嘅氮氣茶。餐牌分左主角特調果茶、彈雨果蓉茶、氮氣茶、奶蓋沙冰&茶、同純茶系列。地下有個好特別嘅銅章雕刻岩晒打卡呃like!呢3部就係氮氣機。店舖做緊着白波鞋優惠,着白波鞋tommy 果茶減10蚊。荔枝綠研茉莉氮氣茶 $34初嘗氮氣茶，飲落茶底唔太甜，淡淡荔枝味！驚喜係泡沫好幼滑，keep 到好耐！另外一提，氮氣茶用嘅係膠嘅啤酒杯咁！飲完仲可以帶埋番家循環再用ga!奶蓋鮮西瓜火龍果沙冰 $46明顯分出3個不同layer, 最底西瓜沙冰、中間火龍果沙冰，最頂就係奶蓋部分。奶蓋佔部分唔算好多，但密度非常之高！飲落非常濃稠，配以火龍果及同樣清甜西瓜感覺滿足而不膩！幾新穎、估唔到火龍果同西瓜都幾夾。舖位外面仲有一張好大嘅塗鴉牆，整左張細細bar 桌方面客人可以放杯飲品打卡影相。