茶茶台式料理 (Closed)

行行下街BB肚子餓，唯有搵野食，見呢間台式餐廳價錢親民，一於試試佢！滷肉飯加煎蛋滷肉飯上面嘅滷肉夠哂多啊，每啖飯都食到滷肉，滷肉係瘦肉多過肥，但一啲都唔鞋，非常健康，好適合怕肥又為食嘅女士們！我哋好鍾意食蛋，所以加埋煎蛋，撈埋啲蛋汁，OMG！勁滿足！！！芝士肉鬆蛋餅蛋餅幾正，啲餡比得好足，一啲都唔孤寒，啖啖肉鬆芝同雞蛋士，配埋隻5知咩醬，BB食到舔舔脷，表示係呢到必叫。奶蓋四季春飲品真係要讚，並唔馬虎，奶蓋好香奶味，同茶嘅比例啱啱好，唔會搶咗茶味，咸甜適中，感覺到店舖嘅誠意同用心。