辛安東元祖奶奶雞 (Closed)

餐廳樓高兩層，可以坐到好多食客，大長木枱可以放到好多野食。真露煮蜆 $88未食已聞到酒香。蜆肉大粒肉，無沙，好乾淨。有好多菜，都索晒酒味，特別好味道。泡菜海鮮煎餅 $88有6大塊，煎餅裡面既海鮮幾足料。唔會辣，怕辣但又愛韓國菜既我好岩食。濟州蠔肉泡飯 $158有好多好多粒蠔肉，食極都有，好開心。而且蠔仔既size都算大粒肥美，食落有鮮蠔味。泡飯仲有粒粒蔬菜，例如紅蘿蔔，翠玉瓜等等。芒果泡沫 $58好大杯，香芒果味，入口綿滑。青檸柚子梳打 $53好大杯，酸酸地幾開胃。