三人行燒烤專門店

Open Now

Now Closed

突然好想食串燒，搵下Openrice search 下附近有乜串燒店，然後搵到呢間，店子不算大，目測整體感覺不錯，見餐牌價錢都合理，決定試吓。餐廳串燒餐牌種類選擇頗多，有豬、牛、羊、海鮮、蔬菜等等。飲品供應方面有一般冇酒精飲料之外，亦有啤酒供應。首推精選：《雞腎》，本人覺得呢個最好味，夠厚、夠爽、夠味，超好食，推薦必試；《西班牙黑毛豬肋》，都非常不錯，豬肋有肥有瘦又有肉味；《羊肉》，亦好味，而且入口豐富肉汁，羊愛好者要試；《蒜芯》第一次食，原來都唔錯；可以一試：《韮菜花》，份量很多；《芝士豆腐》，類似炸魚蛋質地；《鹽燒牛舌》，夠厚肉質偏較淋。《烤日本甜心蕃薯》、《雞脾菇》、《安格斯牛肋》，水準正常。以上我選了少辣，味道夠辣度正常。另外店員會先送上酸辣汁供使用。座位不多，繁忙時間有可能需要等位。