粗店燒烤

Open Now

Now Closed

今日陪朋友去旺角買嘢，行過見到粗店燒烤好似幾抵食，早鳥時段有折，就同朋友入去食。串燒方面我地叫咗烤虎蝦，多春魚，翠玉瓜，玉子蛋，虎皮尖椒，珍寶蟹柳王，韭菜。然後叫咗份涼麵，炸饅頭，蒜蓉烤茄子同鍚紙娃娃菜，最後就食埋紅糖冰粉就為今餐畫上完美句號。整體食物質素高，新鮮，有調味，唔太重口味，算係比較健康嘅串燒，食完唔會覺得好口渴。我同朋友最鍾意嘅都係玉子蛋，暖笠笠又有勁多配料，蟹籽同木魚絲，正。飲品方面我哋叫咗兩罐茶，健康嘅選擇另外環境都幾舒適，比起其他去過嘅串燒店，我覺得呢間質素高。