村上居酒屋 (Closed)

係朗豪坊睇完戲，商場入面無野啱食，就行前一條街到搵餐廳食晚飯。經過呢間居酒屋，門口裝潢幾特別下，日風味濃，價錢合理，就決定係到食。三文魚、帆立貝、甜蝦等剌身非常新鮮，尤其島池魚十分肥美，油脂甘味。天婦羅蝦反卷，上面有脆脆既蟹籽，更添口感層次。鰻魚飯好抵食，鰻魚厚厚一大片。幾樣燒物手羽先、汁燒牛柳、豚肉露荀卷同豬腩肉崽都唔錯，燒到啱啱好，肉汁juicy又夠味。最特別係有櫻花水信玄餅食，透明好似水晶甘靚，入面有朵櫻花，食落似梅味，微酸帶少少甜，男仔都啱食。